Jaqynda ǵana Dýbaıda ótken Azııa chempıonatynda el namysyn qorǵaǵan Danııal Sábıt pen mamyr aıynda Las-Vegasta ótken amerıkalyq UFC týrnırine qatysyp, jeńiske jetken aralas jekpe-jek sheberi Damır Ismaǵulovty qabyldaǵan Batys Qazaqstan oblysynyń ákimi jas sportshylardy jeńisterimen quttyqtap, aq jol tiledi.
«Men Danııaldyń jekpe-jekterine qyzyǵa qarap, qadaǵalap otyrdym. Ol halyqaralyq deńgeıdegi jarysqa qatysyp, mol tájirıbe jınady dep oılaımyn. Kúmis medal ıegeri bolý ońaı emes. Bul – úlken dáreje, úlken jeńis. Jerlesimiz Danııar Eleýsinovtiń eresekter arasyndaǵy jeńisti jolyn 15 jyldan soń Danııal jalǵap otyr. Boksqa kelgen eki jyldyń ishinde qaısarlyǵy men jigeri arqasynda osyndaı dárejege jetip otyr. Danııal, sen jaı boksshy emessiń, jolyńdy qýyp kele jatqan jastarǵa úlgi bolarlyq sportshysyń. Jeńisti kúnderiń kóp bolsyn», dedi óńir basshysy.
18 jasar boksshy oblys ákiminiń qolynan 1 bólmeli páterdiń kiltin aldy. BQO boks federasııasynyń predıdenti Baýyrjan Karımov jas sportshy men bapkeri Sattar Sultanǵalıevke 2 jáne 1 mln teńgeniń sertıfıkatyn tabys etti.
