Naýryz aıynda reseılik kompanııanyń aksıonerleri saılaýǵa eki úmitkerdi usynǵany týraly habarlaǵan bolatyn. Onyń bireýi – KamAZ qyzmetkerleriniń birikken bastaýysh kásipodaq uıymynyń tóraǵasy Kırıll Pýzyrko bolsa, ekinshisi 2019 jyldyń jeltoqsanyna deıin Qazaqstannyń Reseı Federasııasyndaǵy Tótenshe jáne ókiletti elshisi qyzmetin atqarǵan Imanǵalı Tasmaǵambetov.
4 maýsymda ótken jyldyq jalpy jınalysta Imanǵalı Nurǵalıuly múshelikke ótti.
«KAMAZ» JAQ – reseılik kompanııa, dızeldi júk kólikteri men dızeldi qozǵaltqyshtardy óndiredi. Sonymen qatar avtobýstar, traktorlar, kombaındar, elektr qondyrǵylary, jylý shaǵyn elektr stansalary men komponentter shyǵarady. Negizgi óndiris Naberejnye Chelny qalasynda ornalasqan.
Imanǵalı Tasmaǵambetov 1956 jyly dúnıege kelgen. Elimizdegi eń joǵarǵy saıası qyzmetterdi atqardy. Qazaqstan Úkimetin basqardy. Almaty men Astana qalalary jáne Atyraý oblysynyń ákimi boldy. Prezıdent Ákimshiligine jetekshilik etti. Qorǵanys mınıstrliginiń de tizginin ustaǵan. Sońǵy qyzmeti – Qazaqstannyń Reseıdegi Tótenshe jáne ókiletti elshisi. Ol bul qyzmetten 2019 jyldyń 18 jeltoqsanynda ketip, zeınetke shyqty.
