Mınıstrler sondaı-aq mınımaldy korporatıvtik salyq 15 paıyzdy bolady dep kelisti. Bul jekelegen elderdiń salyq mólsherlemesin azaıtý arqyly olardy ózine keltirýge árekettenbeýi úshin kerek.
Jańa erejelerge baǵynýy tıis korporasııalar arasynda Amazon jáne Google tárizdi alpaýyttar bar. Bul máseleniń aýqymdy ekenin kórsetetin mysal retinde osy aptada Microsoft kompanııasynyń Irlandııadaǵy fılıaly byltyr 315 mlrd AQSh dollary kólemindegi tabysy bolaty Irlandııaǵa birde bir eýro salyq tólemegeni týraly aqparatty keltirýge bolady.
Buǵan kompanııanyń resmı túrde Bermýdta tirkelgeni sebep bolǵan. Salyq kelisimi AQSh, Ulybrıtanııa, Fransııa, Germanııa, Kanada, Italııa jáne EO arasynda ornatyldy. Salyq júıesin birizdendirý týraly kelisimge kóp jyl talqylaýdan keıin qol jetkizildi.
Qujat basqa elder, sonyń ishinde «Úlken jıyrmalyq» (G20) elderine qysym jasaýǵa qoldanylýy múmkin. G20 jıyny kelesi aıda ótkiziledi. Kóptegen elderiń úkimeti transulttyq korporasııalardy burynnan beri sol elde túsken tabysynan salyq tóleýge májbúrlemek bolǵan.
Alaıda alpaýyt kompanııalar fılıalyn bıznes júrgizgen elde emes, salyǵy az elderde tirkep, tapqan tabysynyń barlyǵyn sol jerde deklarasııalaǵan.
Bul – jańa paıda bolǵan problema emes, biraq sońǵy onjyldyqta Google jáne Facebook sııaqty tehnologııalyq alpaýyttar qurylǵannan keıin ózekti bola tústi.
