BQO ákimi Ǵalı Esqalıevtiń Facebook-tegi paraqshasynda málim etkenindeı, «Aqjaıyq» ÁKK» AQ almatylyq kompanııalardyń birimen birlesken kásiporyn qurý jóninde kelisimge kelgen.
«BQO ákimdigi óziniń qyzmettik kólikterin birlesken kásiporynǵa beredi. Al jeke ınvestor jańa avtokólikter satyp alyp, taksı esebinde joǵary qyzmet kórsetýdi qamtamasyz etedi. Memleket aldaǵy ýaqytta avtokólik satyp alýdan bas tartyp, qarjy únemdeıdi. Kóliktiń shyǵyndarynan góri avtokólikti jalǵa alý arzanǵa túsedi dep oılaımyn. Qalada jańa taksıler qyzmet kórsetedi. Osylaısha Qazaqstan Prezıdentiniń qyzmettik kólikterge ketetin shyǵyndy azaıtý jónindegi tapsyrmasy oryndalady», dep jazdy óńir basshysy.
Oblys ákimi budan buryn da qazirgi zamanǵy taksı qyzmeti paıda bolsa, kóptegen jeke kompanııalar da qyzmettik avtokólikterinen bas tarta alatyny týraly jazǵan edi.
