Qańtar men mamyr aralyǵynda salymshylar shottaryna 475,8 mlrd teńge kóleminde taza ınvestısııalyq tabys túsken. BJZQ habarlaýynsha, Ulttyq banktiń basqarýymen zeınetaqy aktıvteri boıynsha kiristilik 3,8, al ınflıasııa 2,7 paıyz bolǵan. Sońǵy 12 aıda ınflıasııa 7,0, kiristilik 9,8 paıyzdy kórsetipti.
«Salymshylardyń zeınetaqy jınaqtarynyń somasy zeınetaqy aktıvterin ınvestısııalaý nátıjelerine sáıkes apta saıyn qaıta esepteledi jáne qaıta baǵalanady. Investısııalyq tabystyń quramyna baǵaly qaǵazdar boıynsha syıaqy, qarjy quraldaryn naryqtyq qaıta baǵalaý, valıýtalyq qaıta baǵalaý túrindegi kirister, syrtqy basqarýdaǵy aktıvter boıynsha kirister kiredi. Barlyq zeınetaqy aktıv – BJZQ-ǵa biriktirilgen sátten bastap Ulttyq bank qamtamasyz etken ınvestısııalyq tabys shamamen 5,2 trln teńge boldy. 2021 jylǵy 1 mamyrdaǵy jaǵdaı boıynsha zeınetaqy jınaqtarynyń jalpy kólemindegi taza ınvestısııalyq tabystyń úlesi 35,6 paıyz bolady», delingen qor habarlamasynda.
Elimizde zeınetaqy júıesi jumys isteı bastaǵan 1998 jyldan bastap esepter bolsaq, taza ınvestısııalyq tabystyń 6 trln teńgeden asqanyn baıqaımyz. Qordyń málimdeýinshe, zeınetaqy jınaqtary – uzaq merzimdi ınvestısııa bolyp sanalǵandyqtan, ınvestısııalyq tabys mólsherin keminde bir jyl kezeńinde taldaý oryndy. Kúndelikti naryqtyq jaǵdaı jıi qubylatyndyqtan qysqa merzimdi derekter kórsetkish bolyp sanalmaıdy.
Eske salaıyq, árbir salymshy óziniń ınvestısııalyq tabysyn enpf.kz saıtyndaǵy jeke kabınetten nemese uıaly qosymshanyń kómegimen baqylaı alady.
