Baıqaýǵa jýrnalıster men blogerler qatysa alady. Onlaın jáne baspasóz BAQ-ta jarııalanǵan qazaq, orys jáne aǵylshyn tilinde jazylǵan maqala 800 sózden aspaýy tıis.
«Qorshaǵan ortany qorǵaý kúnine jáne ekojúıelerdi qorǵaýǵa baǵyttalǵan BUU 10 jyldyǵy salasyndaǵy baıqaý tek qana úkimetter, halyqaralyq uıymdar, bıznes ókilderiniń ǵana emes, jekelegen adamdardyń oı-órisin, oı-tanymyn ózgertý, klımattyń ózgerýine qarsy qandaı erekshe standarttan tys sheshimder qabyldaı alatynyna baılanysty uıymdastyrylyp otyr. Atalǵan jýrnalıster baıqaýynyń bas júldegerleri – 1-shi, 2-shi, 3-shi oryn alǵandar, sáıkesinshe, 2500, 1300, 800 dollar shamasynda arnaıy marapattarǵa ıe bolady. Oǵan qosa, 1-oryn júldegeri qarasha aıynda Shotlandııada Glazgo qalasynda ótetin Jalpy klımattyq sammıtke qatysýǵa joldama alady», dedi E.Baınazarova.
Tehnıkalyq málimetter tolyǵyraq Qazaqstandaǵy BUU saıtynda jáne áleýmettik jelilerdegi uninkazakhstan.org (http://uninkazakhstan.org/) paraqshalarynda usynylǵan.
Aıta keteıik, eń úzdik dep tanylǵan 10 maqalanyń avtoryna BUU atynan arnaıy sertıfıkattar tabystalady.
