Transparency International uıymynyń málimetine súıensek, Bolgarııa qazirgi tańda jemqorlyq reıtıngi boıynsha 69-shi satyda tur. Byltyr 74-shi orynǵa jaıǵasqan edi. Bir jyl ishinde bes satyǵa kóterilgenine qaramastan, Bolgarııa Eýropalyq Odaqtaǵy jemqorlyq keń jaıylǵan memleket sanalady.
О́kinishke qaraı, qart qurlyq qansha tyrysqanymen, atalǵan eldegi paraqorlyqty azaıta almaı keledi. Eýropalyq Komıssııa resmı Sofııany jemqorlyqqa qarsy kúrese almaǵany, para alǵysh sheneýnikterdi temir torǵa qamamaǵany úshin talaı márte synaǵan-dy. Alaıda budan jaǵdaı jaqsarǵan joq.
Bolgarııanyń ýaqytsha premer-mınıstri Stefan Iаnev sanksııa týraly AQSh memlekettik hatshysynyń saıası máseleler jónindegi orynbasary Vıktorııa Nýlandpen telefon arqyly sóıleskende estigenin málimdedi. Onyń paıymdaýynsha, bul eldegi sybaılas jemqorlyqpen kúresý úshin tıimdi bolmaq.
«Seriktesterimizben jáne odaqtastarymyzdyń sybaılas jemqorlyqqa qarsy búkil tásildi qoldanyp kúresýde prınsıpti jáne praktıkalyq basymdyqtar qajet degen pikirimen tolyqtaı kelisemiz», delingen Bolgarııanyń syrtqy ister mınıstrligi taratqan málimdemede.
AQSh Qazynashylyq departamenti 64 jastaǵy olıgarh Vasıl Bojkovty Reseı bıligine Bolgarııa úkimetine yqpal etý arnasyn qurýdy josparlap, memlekettik qyzmetkerlerge para berdi dep aıyptap, sanksııa salǵanyn málimdedi.
Bojkov – Bolgarııadaǵy eń baı adamdardyń biri. Ol eldegi qumar oıyn bıznesin baqylaýynda ustaıdy. Byltyr ol bopsalaý, salyqtan jaltarý, para berý sekildi qylmystyq jaýapkershilikten qutylý úshin elden qashyp ketken-tuǵyn. Sodan beri Bojkov Dýbaıda boıtasalap, áli kúnge deıin ózine taǵylǵan aıyptardyń bárin joqqa shyǵarýdan tanar emes.
Sonymen qatar kásipker, parlamenttiń burynǵy depýtaty Delıan Peevskıge, sheneýnik Ilko Jelıazkovqa da sanksııa salyndy. Qazynashylyq departamentiniń keltirgen málimetterine súıensek, keıingisi kezinde Peevskıdiń paraqorlyq tásilin júrgizýge kómektesken. Qazynashylyq departamenti ony ózin qoǵamdyq baqylaýdan qorǵaýǵa, mańyzdy mekemeler men salalarǵa baqylaý jasaý maqsatynda para berdi dep aıyptaıdy.
Budan bólek, Bojkov pen Peevskıge tıesili 64 kompanııa «qara tizimge» endi. Olardyń endi AQSh-tyń qarjy júıesine kirýlerine ruqsat joq. Sondaı-aq ekeýiniń AQSh-taǵy aktıvteri buǵattalyp, amerıkalyq kez kelgen zańdy jáne jeke tulǵaǵa olarmen jumys isteýge tyıym salynady.
Peevskı de ózine taǵylǵan aıyptardy joqqa shyǵaryp otyr. Degenmen, tyqyrdyń taıanǵanyn sezse kerek, keıingi bir jyl kóleminde ol ózine tıesili kóptegen jyljymaıtyn múlikti satyp jibergen. Sondaı-aq baqylaýyndaǵy buqaralyq aqparat quraldarynan da bas tartty.
Bul az deseńiz, AQSh Memlekettik departamenti Bolgarııanyń burynǵy sheneýnikteri Aleksandr Manolevti, Petar Haralampevti, Krasımır Tomovty, Peevskı men Jelıazkovty sybaılas jemqorlyqqa qatysy bar dep esepteıdi. Sondyqtan olarǵa jáne otbasylaryna AQSh-qa kirýge ruqsat joq.
Bir qyzyǵy, keı sarapshylar Bolgarııadaǵy jemqorlyqtyń tamyr jaıýyna jol bergeni úshin Eýropalyq Komıssııa prezıdenti Ýrsýla fon der Lıaıen men Germanııa kansleri Angela Merkeldi kinálaıdy.
Basty sebep mynada. Buǵan deıin on shaqty jyl premer-mınıstr laýazymyn atqarǵan Boıko Borısov Eýropalyq Odaqtaǵy sheneýniktermen etene jaqyn bolǵan. Sarapshylar bertinge deıin onyń júrgizgen saıasatyna qatysty Brıýsseldegi sheneýnikter batyryp syn aıta almaǵan dep esepteıdi. Sonyń saldarynan elde paraqorlyq keń taralyp otyr.
Aıta keterligi, 1 shildede Bolgarııada parlamenttik saılaý ótpek. AQSh-tyń «qara tizimine» ilikkender aldaǵy saılaýdan mol úmit kútedi. О́ıtkeni qazirgi tańda Boıko Borısov basshylyq jasaıtyn GERB partııasy jeńisten úmitti. Al Bojkov – «Quqyq jáne erkindik» partııasynyń quramynda.
