Sýret: QFB
Bul kezdesý 10 shilde kúni Almatyda ótýi kerek bolatyn. Biraq Mıhaıl Kohanchıkti belgisiz bireýler pyshaqtap ketken. Ol qazir jansaqtaý bóliminde eken.
«Bul jekpe-jektiń ótpeıtinin habarlaǵym kelip otyr. Maǵan Mıhaıl Kohanchıkti pyshaqtap ketkeni týraly habar keldi. Qazir ol jansaqtaý bóliminde. Tez jazylyp ketýine tilektespin», dep jazdy Dáýren Eleýsinov áleýmettik jelisindegi paraqshasynda.
Eleýsinov sońǵy jekpe-jegin 2020 jyldyń tamyzynda meksıkalyq Hýan Karlos Raıgosaǵa qarsy ótkizip, tóreshilerdiń sheshimimen jeńilip qalǵan edi. Dáýren Eleýsinov Olımpıada chempıony Danııar Eleýsinovtiń týǵan aǵasy.
Al Kohanchık sáýir aıynda Qazaqstan atynan shyǵatyn taǵy bir boksshy, Aıan Aǵabekpen kezdesip, nokaýtpen jeńdi. Áýesqoılar arasynda ol 2017 jyly Qazaqstan chempıonatynda Jánibek Álimhanulyn jeńip ketken bolatyn.
