Kezdesý barysynda Máýlen Áshimbaev Rashad Mammadovqa Qazaqstan men Ázerbaıjan arasyndaǵy dostyq qatynasty nyǵaıtýǵa qosqan zor úlesi úshin alǵys bildirdi.
«Bizdiń halyqtarymyz arasyndaǵy baılanys tereńnen tamyr tartady. Táýelsizdik alǵaly beri qatynasymyz ózara senim men túsinistikke negizdelip, jańa mánge jáne strategııalyq seriktestik sıpatyna ıe boldy. Qazirgi tańda eki eldiń ózara yntymaqtastyǵy tarıhı dástúrge taban tirep, barlyq salada nátıjeli damyp keledi», dedi Máýlen Áshimbaev.
Sonymen qatar Senat Tóraǵasy parlamentaralyq yntymaqtastyq Qazaqstan-Ázerbaıjan qatynasyndaǵy mańyzdy tetikterdiń biri ekenin aıtty. Qazirgi tańda eki eldiń parlamentaralyq baılanysy ekijaqty negizde de jáne PA, TMD, TúrkPA, EQYU PA jáne Parlamentaralyq Odaq sııaqty halyqaralyq qurylymdar aıasynda da belsendi damyp keledi.
О́z kezeginde, Rashad Mammadov Senat basshylyǵyna Elshi retinde atqarǵan qyzmetine qoldaý bildirgeni úshin alǵysyn jetkizdi.
