Rezeńke qaıyq aǵynmen dambaǵa qaraı jyldam aǵyp kele jatqan. Kúzetshilerdiń aıǵaıyna esh jaýap bolmaǵan. Qaıǵyly jaǵdaıdyń aldyn alý úshin kúzetshiler dıspetcherge habarlasyp, shandorany dereý kóterýdi talap etken. Bul dambany bóten zattardyń túsip ketýinen saqtaıtyn metall arqalyqtardan turatyn qurylǵy. Der kezinde kóterilgen ol ıirimge túsip kete jazdaǵan qaıyqty ustap qalady. Sóıtip, balyqshyny qutqarý operasııasy sátti aıaqtaldy.
«Túngi aýysymnan shyqqan soń, uıyqtamastan keshke qaraı balyq aýlaýǵa baryp edim, kózim ilinip ketipti. Kúzetshiler meni der kezinde baıqaǵanyna raqmet. Bul kún meniń ekinshi týǵan kúnim boldy», deıdi táýekelshil balyqshy.
