Búgin Qaraǵandy qalasy Qazybek bı aýdandyq soty Jaqsylyq Shalabekov pen kásipker Ermek Qasenovke qatysty úkim shyǵardy. Sottalýshylar Qaraǵandy qalasynyń ońtústik-batys aýdanynda eki kóp qabatty úıdiń qurylysyna bólingen 120 mıllıon teńgeden asa bıýdjet qarajatyn jymqyrdy jáne negizsiz jaratty dep aıyptalǵan.
Sot aıyptaý baptaryn qaıta saralap, Jaqsylyq Shalabekovty qyzmet babyn teris paıdalanǵany úshin, al Ermek Qasenovty alaıaqtyq jasaǵany úshin kináli dep tanydy. Sot kásipker Ermek Qasenovke 5 jylǵa shartty túrde bas bostandyǵynan aıyrý jazasyn taǵaıyndady.
«Shalabekov pen Qasenov, sondaı-aq basqa da tulǵalar arasynda 120 mıllıon teńge bıýdjet qarajatyn jymqyrý úshin aldyn ala sóz baılasý bolǵany sot tergeýi barysynda dáleldenbedi. Aıyptaý boljamdarǵa negizdelgen. Sondyqtan sot aıyptaý baptaryn qaıta saralady», dedi sýdıa Saıan Aqqojın.
Aıta keteıik, Qaraǵandy ákiminiń burynǵy orynbasary Jaqsylyq Shalabekov 2020 jylǵy qyrkúıekte ustalǵan bolatyn. Ol 2020 jylǵy aqpanynda ákimniń orynbasary bolyp taǵaıyndalǵan. 2011 jyldan 2019 jylǵa deıin sheneýnik qalalyq qurylys bólimin basqardy. Ákim orynbasarynyń laýazymynda Shalabekov jerdi paıdalaný, qala qurylysy, sáýlet, turǵyn úı jáne jańa áleýmettik nysandar salý máselelerine jetekshilik etken.
