«BUU Bas Assambleıasynyń 73-shi plenarlyq otyrysynda Qazaqstan 2022-2024 jyldarǵa BUU Ekonomıkalyq jáne áleýmettik keńesiniń quramyna saılandy», delingen SIM habarlamasynda.
Keńes BUU-nyń ekonomıkalyq, áleýmettik jáne ekologııalyq qyzmetin úılestirýge jaýapty negizgi organ jáne osy salalardaǵy ózekti máseleler boıynsha sheshimderdi ilgeriletýge arnalǵan ortalyq alań sanalady.
SIM málimeti boıynsha, Qazaqstan ornyqty damýdyń jahandyq maqsattaryn tıimdi iske asyrý jáne Ortalyq Azııadaǵy neǵurlym mańyzdy gýmanıtarlyq máselelerdi sheshý úshin halyqaralyq qarjy jáne saýda uıymdarymen yntymaqtastyqty nyǵaıtýǵa nıetti. Keńeske múshe bolý Qazaqstanǵa ekonomıka, áleýmettik sala jáne memlekettik basqarý reformalarynda tabysty álemdik tájirıbeni tartýǵa yqpal etedi.
Daýys berý qorytyndysy boıynsha keńes músheleri Aýǵanstan, Belız, Belgııa, Úndistan, Italııa, Kanada, Kot-d'Ivýar, Mavrıkıı, Oman, Perý, AQSh, Tanzanııa, Týnıs, Horvatııa, Chehııa, Chılı jáne Esvatını boldy. Qazaqstandy 180 memleket qoldaǵan.
Buǵan deıin Qazaqstan 2007-2009 jáne 2014-2016 jyldar kezeńinde eki ret saılandy.
