Elorda • 09 Maýsym, 2021

Elordada buqaralyq is-sharalar ótkizýge shekteý qoıyldy

42 ret kórsetildi

Nur-Sultan qalasynda COVID-19 boıynsha turaqsyz jaǵdaıǵa baılanysty otbasylyq jáne buqaralyq is-sharalardy ótkizýge tyıym salyndy, dep habarlaıdy Egemen.kz.

«Epıdemııalyq anamnezde naýqastardyń 47,3%-y adam kóp jınalatyn oryndarǵa (qoǵamdyq tamaqtaný nysandary, bazarlar, saýda úıleri men oıyn-saýyq ortalyqtary jáne t.b.) birneshe ret barǵanyn atap ótken, naýqastardyń 0,8%-y buqaralyq is-sharalardy (úılený toılary, keshter, eske alý, aksııalar, utys oıyndary jáne t. b.) ótkizýge qatysqan, al 29,2%-y úı jaǵdaıynda saqtyq sharalaryn jasamaǵandyqtan aýyryp qalǵan.

Koronavırýs ınfeksııasy boıynsha turaqsyz jaǵdaıǵa baılanysty otbasylyq, estelik is-sharalardy, forýmdardy, konferensııalardy, semınarlardy, jınalystardy, aksııalardy, utys oıyndaryn (onlaın formatty qospaǵanda) jáne t. b. qosa alǵanda, buqaralyq is-sharalardy ótkizýge tyıym salynady», dedi S.Beısenova elorda ákimdiginde ótken baspasóz máslıhatynda.

Aıta keteıik, mamyr aıynyń basymen salystyrǵanda 100 myń turǵynǵa shaqqandaǵy aptalyq syrqattaný kórsetkishi 210-nan 110-ǵa deıin tómendedi. Bir aptada SOVID-19 boıynsha 1315 jaǵdaı tirkeldi, syrqattaný kórsetkishi aldyńǵy aptadan 18%-ǵa tómen.

Sońǵy jańalyqtar

Uqsas jańalyqtar