«31 mamyrda 22 jastaǵy jolaýshy Qostanaı-Almaty baǵytyndaǵy poıyzben kele jatyp, ózimen 116 mıllıon 900 myń teńge alyp júrgen. Ol esh kúdiktenbeı keshke uıyqtap jatqan, alaıda túnde Jaqsy beketinde oıanǵan kezinde aqshanyń joǵyn túsingen», delingen habarlamada.
Jábirlenýshi batalon qyzmetkerlerinen kómek suraǵan. Departament qyzmetkerleri jedel tergeý tobyn quryp, izdeýdi bastady. Temirjol kóliginiń barlyq nysany, sondaı-aq jaqyn ornalasqan eldi mekender tekserildi.
Polısııa qyzmetkerleri poıyzdyń barlyq qyzmetkeri men jolaýshysynan suhbat aldy. Nátıjesinde kúdiktiniń fotoroboty jasaldy.
«8 maýsymda Nur-Sultan qalasynyń kólik polısııasynyń qyzmetkerleri urlyq jasady degen kúdikpen úsh adamdy anyqtap, ustady. Kúdiktilerdiń turǵylyqty jeri boıynsha tintý júrgizildi, onyń barysynda 12,6 mıllıon teńge jáne 198,5 myń dollar tárkilendi.
Kúdiktiler urlanǵan aqshanyń bir bóligin qylmys jasalǵannan keıin birden eki kólik satyp alǵan», delingen habarlamada.
