«Jalpy sanıtarııalyq-epıdemıologııalyq jaǵdaı jaqsardy. Vırýs juqtyrý deńgeıi tómendep keledi, bir aptada 30 paıyzǵa azaıdy.
Elorda ǵana «qyzyl» aımaqta qaldy. Osy rette, ákimdik qosymsha sharalar qabyldaýy kerek. Jalpy 10 óńir, ıaǵnı basym bóligi «jasyl» aımaqta, 6 óńir «sary» aımaqta. Turǵyndardyń vaksına alýy men epıdemııaǵa qarsy júrgizilgen sharalardyń nátıjesinde Qazaqstan «jasyl» aımaqqa kirdi», dedi A. Mamın.
Premer-Mınıstrdiń aıtýynsha, búgingi kúni 2,4 mıllıonǵa jýyq adam vaksınanyń birinshi komponentin jáne shamamen 1,3 mıllıon adam ekinshi komponentin aldy.
«Ákimdikter men Densaýlyq saqtaý mınıstrligi jaz kezinde vaksınalaý qarqynyn barynsha ulǵaıtýy qajet, ásirese Mańǵystaý, Aqmola, Qostanaı oblystary men Nur-Sultan qalasynda. Barlyq deńgeıdegi ákimder vaksınasııa máselesin jeke baqylaýǵa alýy tıis», dedi Úkimet basshysy.
