«Qazaqstan terrıtorııasynyń basym bóliginde atmosferalyq frontaldy bólikterdiń ótýimen turaqsyz aýa raıy saqtalady, jańbyrmen birge naızaǵaı bolady, elimizdiń ońtústik-shyǵysynda, taýly aýdandarda qatty jańbyr jaýady. Respýblıkanyń keı jerlerinde daýyl soǵyp, burshaq jaýady, ońtústik jáne ońtústik-shyǵysynda shańdy daýyl bolady, soltústikte túnde jáne tańerteń tuman túsedi», delingen «Qazgıdromet» RMK baspasóz qyzmetiniń habarlamasynda.
Jambyl oblysynyń keı jerlerinde shańdy daýyl, daýyl, burshaq bolady, jel 15-20, ekpini 23-28 m/s kúsheıedi.
Túrkistan oblysynda shańdy daýyl soǵyp, jeldiń kúsheıýi 15-20, kúndiz ekpini 25 m/s jetedi.
Almaty oblysynda da daýyl soǵyp, burshaq jaýady, naızaǵaı kezinde jel 15-20, ekpini 25 m/s kúsheıedi.
Aqmola, Batys Qazaqstan, Qaraǵandy oblystarynyń keı jerlerinde burshaq jaýyp, jel 15-20 m/s kúsheıedi, Qaraǵandy oblysynyń keı jerlerinde daýyl bolady.
Soltústik Qazaqstan, Shyǵys Qazaqstan oblystarynda daýyl, burshaq bolyp, jeldiń ekpini 25 m/s kúsheıedi, Soltústik Qazaqstan oblysynyń keı jerlerinde túnde jáne tańerteń tuman bolady.
Aqtóbe, túnde Mańǵystaý, kúndiz Qostanaı, Pavlodar oblystarynyń keı jerlerinde jel 15-20 m/s kúsheıedi.
«Qyzylorda, Túrkistan, Jambyl, Aqtóbe oblystarynyń basym bóliginde, Qaraǵandy, Almaty, Qostanaı, Batys Qazaqstan oblystarynyń keı jerlerinde, Aqmola, Pavlodar, Shyǵys Qazaqstan oblystarynyń jekelegen aýdandarynda tótenshe órt qaýpi saqtalady», delingen habarlamada.
