Shymkent qalasynyń Polısııa departamentine qarasty jedel basqarý ortalyǵy, Sıfrlandyrý basqarmasy men IDC kompanııasy birlese shahardaǵy №83 jalpy orta mektepte pılottyq rejımde ıntegrasııalanǵan dabyl batyrmasyn ornatty.
Bul «SOS dabyl batyrmasy» bilim oshaqtaryndaǵy oqýshylardyń qaýipsizdigin nyǵaıtý maqsatynda ornatylǵan. Pılottyq rejımde iske qosylǵan batyrma eki bólikten turady. Joǵarǵy bóliginde evakýasııalaý jospary ekranda kórsetiledi, tómengi bóliginde dabyl batyrmasy men mıkrofon turady. Mektepte oryn alǵan kez-kelgen tótenshe jaǵdaıda batyrmany basqan kezde, atalǵan tótenshe jaǵdaı boıynsha dabyl qaǵylady. Málimet jedel basqarý ortalyǵyna nemese mektep operatoryna kelip túsedi. Dabyldan keıin jedel kómek túri usynylady.
«SOS dabyl batyrmasy» pılottyq jobasyn qaladaǵy barlyq mektepke ornatý josparlanyp otyr.
