Aımaqtar • 11 Maýsym, 2021

Karantındik shekteýlerge kónbeıtinder áli de kóp

30 ret kórsetildi

Almatynyń monıtorıng toptary qoldanystaǵy shekteý sharalarynyń saqtalýyn baqylaý úshin kún saıyn kásipkerlik nysandarǵa baqylaý júrgizedi, dep habarlaıdy Egemen.kz.

10 maýsymnan 11 maýsymǵa qaraǵan túni qalada 8 zań buzýshylyq anyqtaldy. Monıtorıngtik toptardyń aıtýynsha, kelýshilerdiń kóptigine baılanysty nysandardyń zańsyz qyzmeti áli de tirkelýde. Ashyq jobasyna kirmeıtin mekemeler de bar.

Mysaly, Bostandyq aýdanyndaǵy 1Gog restobarynda karantın talaptary buzylǵan. Monıtorıng tobyndaǵylardyń aıtýynsha, bul mekeme zańǵa qaıshy áreketterimen tekserýshilerdiń nazaryna birnsheshe ret túsken bolatyn. Ashyq jobasyna kirmeıtindikten restobardyń jumys jasaýyna ruqsat berilmegen.

Degenmen, tekserýshiler 1Gog nysanynyń túngi saǵat 1-de jumys istegenin anyqtady. Ishte 60-qa jýyq adam bolǵan. Kóńil kóteretin orynnyń esigi ashyq. Nysan basshylyǵyn ákimshilik jaýapkershilikke tartý úshin materıaldar jınaqtaldy.

Restobardaǵy karantındik sharalardy buzýmen qatar, kalıan shegý faktisi anyqtaldy. Eske salsaq, qoǵamdyq oryndarda kalıanǵa tolyq tyıym salynǵan. Tártip buzýshylarǵa qatysty QR Ákimshilik kodeksniń 441-baby 1-bóligi boıynsha ákimshilik hattamalar toltyryldy. Kalıan shekken úshin aıyppul 15 AEK (43 755 teńge) quraıdy.

Almatynyń sanıtarlyq dárigerleri kalıannyń zııandy qasıetteri týraly birneshe ret aıtqan, sol arqyly juqpaly aýrýlar, sonyń ishinde koronavırýs ońaı taralady.

Medeý aýdanynyń monıtorıngtik toby ótken túni Jibek Joly dańǵylyndaǵy Bacha túngi klýbynda zań buzýshylyqty anyqtady. Mekemede 80-ge jýyq adam bolǵan. Kelýshiler áleýmettik qashyqtyqty saqtamady.

Jaýapkershilikke tartý týraly sheshimdi aýdandyq Sanıtarlyq-epıdemıologııalyq baqylaý basqarmasy qabyldaıdy.

Taǵy bir zań buzýshylyq Bostandyq aýdanyndaǵy "Vıvaldı" karaokesinde oryn aldy. Kóńil kóteretin oryn túngi saǵat 2.00-den keıin jumys istep, belgilengen jumys rejımin buzǵan.

Eske salsaq, jyl basynan tártip buzýshylarǵa qatysty 74 materıal sotqa berildi. Osy jyly Almatyda 20 naýryz ben 11 maýsym aralyǵynda belgilengen shekteýlerdi buzǵan 1112 jaǵdaı anyqtaldy.

Almaty ákimdigi qala turǵyndary men qonaqtaryn karantın rejımin qatań saqtaýǵa, túngi klýbtarǵa, restobarlarǵa, saltanatty is-sharalarǵa, toılarǵa, adam kóp jınalatyn jerden aýlaq bolýǵa shaqyrady.

Aınash ESALY,

«Egemen Qazaqstan»

ALMATY

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar