Shtat gýbernatory aımaqta tótenshe jaǵdaı rejımin jarııalady. Tilsiz jaýdy aýyzdyqtaý úshin 1600 maman jumyldyryldy. Gıla men Pınal okrýginde 3 myń otbasy qaýipsiz jerge kóshirildi.
«Bundaı aýqymdy evakýasııalaý sharasy buryn-sońdy bolmaǵan», - deıdi mamandar. Qyzyl jalyn 6 myńǵa jýyq gektar jerdi typ-tıpyl etken. О́rtti aýyzdyqtaýǵa aýa raıynyń qolaısyzdyǵy kedergi keltirýde. Qazir aımaqta qatty jel. Jergilikti bılik «apatpen kúres jumystaryna arnalǵan qarjyny arttyrý kerek», deıdi.
- Alapat orman órti qaýlap barady. Tilsiz jaý 6 myńǵa jýyq gektar jerdi kúlge aınaldyrdy. Bul Chıkago aýmaǵyndaı jer. Myńdaǵan adam baspanasyn tastap ketýge májbúr boldy. Qutqarýshylardyń jumysy qaýyrt. О́rt óshse de, jaýyn-shashyn maýsymy kezinde bul jerde sel bastalý qaýpi bar. Sondyqtan tasqynnyń aldyn alý úshin órtti tez arada aýyzdyqtaý kerek. Ol úshin qosymsha qarajat qajet, - deıdi gýbernator Dag Dıýsı.
Esterińizde bolsa, Arızona shtatynda orman órtinen myńdaǵan adam evakýasııalanýy múmkin ekendigi jaıynda buryn habarlaǵan edik.
