«Sanaly urpaq tárbıeleýde kez kelgen ýnıversıtettiń alǵa qoıǵan ustanymy ár túrli. Bizdiń baǵyt – zamanaýı ınjener túsinigin ǵylymı kózqaraspen ǵana shektelmeı, fızıka-matematıka boıynsha bilim berý qarqynyn kúsheıte túsý.
Muny oqytýshylyq quram da túsinedi. Shetelden bilim alyp kelgen ustazdarymyz osy turǵyda júıeli jumys júrgizýdi josparlaryna engizgen, ári kóptegen stýdentterimiz tereńdetilgen fızıkaǵa myqtap den qoısa, halyqaralyq deńgeıde suranysqa ıe maman atanýǵa mol múmkindik alady. Osy turǵyda bilim ordasynyń qabyrǵasynda qosymsha fakýltetter ashylǵan», dedi Jasulan Shaımardanov.
Bilim ordasy jumys istep turǵany jyldary ishinde ekonomıkanyń túrli salalary boıynsha 90 000-ǵa jýyq ınjener daıarlap shyǵardy. Búginde ýnıversıtet maman daıyndaýdyń úsh deńgeıi boıynsha 91 bilim berý baǵdarlamasyn iske asyp jatyr. Bilim berý baǵdarlamalarynyń 86% mamandandyrylǵan akredıtasııadan ótti.
Avtomattandyrý jáne basqarý, Metallýrgııa, Geologııa jáne paıdaly qazbalardy barlaý sııaqty baǵdarlamalardyń eýropalyq sapa sertıfıkaty bar.
«Táýelsizdiktiń otyz jyly ishinde kóptegen jetistikterge qol jetti. Jastar shetelde bilim alýǵa múmkindik aldy. Bir aıta keterligi, bilim oshaǵyndaǵy granttar sany da sońǵy jyldary artyp keledi. О́zderińizge belgili, grant sanyn retteý de Bilim jáne ǵylym mınıstriligimen birlese sheshetin kúrdeli jumys», dedi rektor brıfıngtegi sózinde.
