Is-sharada beınebaılanys arqyly málimdeme jasaǵan Qytaıdyń SIM basshysy qarýsyzdaný jáne taratpaý salasyndaǵy máselelerge qatysty Beıjińniń ustanymymen tanystyrdy.
«Bıologııalyq qarýǵa tyıym salý týraly konvensııany oryndaýǵa baılanysty Van I BUU Qaýipsizdik Keńesine esep beretin Bıologııalyq qaýipsizdik boıynsha halyqaralyq agenttik qurý týraly Qazaqstan Prezıdentiniń usynysyna joǵary baǵa berdi.
Pikir almasý barysynda Qazaqstannyń Jenevadaǵy BUU bólimshesi janyndaǵy Turaqty ókili Janar Aıtjanova qytaı tarapyna qazaqstandyq bastamaǵa qoldaý bildirgeni úshin rızashylyq bildirip, búgingi jaǵdaıda onyń erekshe ózekti ekenin atap ótti.
Onyń aıtýynsha, atalǵan bastamaǵa qatysty tujyrymdamalyq hat múshe memleketterdiń dıplomatııalyq mıssııalary arasynda taratylǵanyn habarlap, ony múddeli delegasııalarmen egjeı-tegjeıli talqylaýǵa daıyn ekendigin atap ótti», delingen syrtqysaıasat vedomstvosynyń málimetinde.
