Almaty qalasynyń Tótenshe jaǵdaılar departamenti 2021 jylǵy 17 maýsymda jergilikti ýaqytpen kúndizgi 12:55 mınýtta qulaqtandyrý júıesiniń toqsan saıyn júrgiziletin josparly tehnıkalyq daıyndyǵyn tekseriletinin málim etti.
«Oqý jattyǵý elektr dabyldaryn qosý arqyly «Barshanyń nazaryna!» biryńǵaı qulaqtandyrý sıgnalyn berip, tele jáne radıo taratý arnalaryn avtomatty túrde qamtýmen bir ýaqytta halyqqa qulaqtandyrý júıesiniń tehnıkalyq daıyndyǵyn tekserý júrgizilip jatqandaǵy týraly habar berý qarastyrylǵan. Osyǵan baılanysty departament qala turǵyndary men qonaqtaryn sabyr saqtaýǵa shaqyrady», - dep habarlady Tóteshe jaǵdaılar departametinen.
Departamenttegiler Almaty qalasynyń turǵyndary men qonaqtarynan sabyr saqtaýdy suraıdy.
Eger dabyl kezinde siz úıde bolsańyz, onda:
- radıoqabyldaǵyshty nemese teledıdardy qosyńyz;
- tótenshe jaǵdaı týraly habarlamany tyńdańyz;
- berilgen habarlamaǵa sáıkes áreket etińiz.
Eger dabyl kezinde kóshede bolsańyz, onda:
- kóshedegi daýys zoraıtqyshtarmen jáne mobıldi eskertý qurylǵylarymen jiberilgen tótenshe jaǵdaı týraly habarlamaǵa qulaq asyńyz;
- berilgen habarlamaǵa sáıkes áreket etińiz.
