«Sizderdi kásibı merekelerińizben quttyqtaımyn! 23 maýsym-álemniń barlyq memlekettik qyzmetshileri úshin biryńǵaı kásibı mereke. 2002 jylǵy 20 jeltoqsanda BUU Bas Assambleıanyń 57-sessııasynda 23 maýsymdy Memlekettik qyzmet kúni dep jarııalaý týraly qarar qabyldady.
Keıin, 2013 jyly El Prezıdentiniń Jarlyǵymen bul kún Qazaqstannyń memlekettik qyzmetshiler kúni bolyp bekitildi. Búginde 90 myńǵa jýyq qazaqstandyq ózderiniń kásibı merekelerin atap ótýde, olardyń 42 myńnan astamy óńirlerde jumys isteıdi. Memlekettik qyzmetshilerdiń jalpy sanynyń jartysynan astamyn (55%) – áıelder qaýymy quraıdy.
Osy kún qarsańynda Agenttik atynan memlekettik qyzmetti damytýǵa jáne qoıylǵan mindetterdi tabysty iske asyrýǵa qosqan eleýli úlesi úshin aǵymdaǵy jyly 79 memlekettik qyzmetshi QR Memlekettik qyzmet isteri agenttiginiń «Úzdik memlekettik qyzmetshi» vedomstvolyq nagradasymen marapattaldy.
Memlekettik qyzmetshilerge júktelgen joǵary jaýapkershilikti, sondaı-aq olardyń qyzmetiniń mańyzdylyǵyn atap ótken Tuńǵysh Prezıdent – Elbasy Nursultan Ábishuly Nazarbaev: «Básekege qabiletti memlekettik qyzmetti qurmaıynsha, basty maqsat - gúldengen Qazaqstandy qurý múmkin emes», - dep aıtqan bolatyn.
Memleket Basshysy Qasym-Jomart Kemeluly Toqaev: «Memlekettik qyzmetshilerge mańyzdy reformalardy júzege asyrý, elimizdi damytý, «Halyq únine qulaq asatyn memleket» tujyrymdamasyn iske asyrý úshin aıryqsha jaýapkershilik júkteletinin, azamattardyń zańdy talaptarynyń oryndalýy memlekettik qyzmetshilerge baılanysty ekenin atap ótti.
Memlekettik qyzmettegi jumys joǵary jaýapkershilikti, udaıy ózin-ózi jetildirýdi, joǵary kásibılik pen tereń bilimdi talap etedi.
Sizderdiń árqaısylaryńyz memlekettik baǵdarlamalar men aýqymdy reformalardy iske asyrýǵa, ıaǵnı halyqtyń ál – aýqatyn arttyrýǵa eleýli úles qosyp kelesizder.
Qazir covid-19 pandemııasy jaǵdaıynda memlekettik qyzmetshilerdiń aldynda - halyqtyń tynys-tirshiliginiń barlyq salalarynyń úzdiksiz jumysyn qamtamasyz etý mindeti tur. Osy kúrdeli kezeńde sizderdiń kúndelikti jáne úılesimdi jumysyńyzdyń arqasynda memlekettik apparattyń tolyqqandy jumys isteýi qamtamasyz etiledi.
Sizderge eldiń ıgiligi jolynda atqaryp jatqan qyzmetterińiz úshin alǵys bildiremin! Sizderge jáne otbasylaryńyzǵa myqty densaýlyq, baqyt jáne barlyq isterińizge sáttilik tileımin!», dedi Anar Jaılǵanova.
