Oıyndaǵy esep 2 mınýtta-aq ashyldy. Aıyp alańyndaǵy qarbalas sátinde Emıl Forsberg alys buryshty dál kózdep, Voıseh Shensnyıǵa esh múmkindik qaldyrǵan joq.
Polsha quramasy birneshe márte shabýyl jáne qarymta shabýyl da uıymdastyrdy. Alaıda umtylystarynyń eshqaısysy sátti aıaqtalǵan joq. Polıaktar ekinshi taımda da qarsylastaryn tyqsyra shabýyldap, Olsen qaqpasyn mańaılaýmen boldy. Alaıda taǵy da esh nátıje shyǵara alǵan joq. Esesine oıynnyń 59 mınýtynda Forsberg ekinshi golyn soǵyp Shvesııanyń básin bıiktetip tastaǵan. Biraq araǵa mınýt salmastan Polsha quramasy qarymta shabýylǵa sátti shyǵyp, Robert Levandovskıı shved qorǵaýshylary men qaqpashysyn qapy qaldyryp, dopty dál toǵyzdyqqa baǵyttap, esep aıyrmasyn qysqartty. Lıder Levandovskıı 84 mınýtta dýbl avtory atanyp, tarazy basyn teńestirdi.
Roberttiń bul erligi quramaǵa kómektese alǵan joq. Bir qyzyǵy shvedter de sońǵy sózin áli aıtpaǵan eken. 94 mınýtta Vıktor Klaesson Polsha qaqpasynan sańylaý taýyp, kezdesý núktesin qoıdy.
Bul toptan Shvesııa quramasy bes upaı jınap, birinshi orynmen pleı-offqa shyqty. Ispanııa quramasy da 5 upaı jınady. Alaıda dop aıyrmashylyǵy boıynsha shvedterge jol berdi.
