COVID-19-dyń «delta plıýs» dep atalǵan jańa shtamm nusqasy Úndistanda, AQSh-ta, Ulybrıtanııada, Portýgalııada, Shveısarııada, Japonııada, Polshada, Nepalda, Qytaıda jáne Reseıde anyqtalǵan.
COVID-19-dyń bul nusqasy «alańdatatyn» dep jiktelip otyr. Jańa mýtasııanyń qaýpi áli belgisiz. Shtamm neǵurlym juqpaly, ókpe jasýshalaryna kóbirek baılanysatyny jáne antıdenelerge qarsy tura alatyny belgili.
Atap aıtqanda, buryn delta shtamyn tirkegen Úndistannyń Densaýlyq saqtaý mınıstrligi jańa mýtasııany anyqtaýdyń 22 jaǵdaıyn habarlady. Densaýlyq saqtaý mınıstrliginiń málimetinshe, jańa nusqa - bul K417N qosymsha mýtasııasy bar «deltanyń» ádettegi nusqasy, ol Ońtústik Afrıkadan kelgen «beta» nusqasynda da baıqalady.
Buǵan deıin Qazaqstanda da koronavırýstyń delta-nusqasynyń taralý yqtımaldyǵy anyqtalǵan bolatyn. Nur-Sultanda koronavırýstyń úndi shtamy pasıentterdiń 56 paıyzynda aldyn ala rastalǵany habarlanǵan. COVID-19 taralýyna jol bermeý jónindegi vedomstvoaralyq komıssııa karantın shekteýlerin qatańdatýdy uıǵarǵan.
