Kremldiń baspasóz qyzmetiniń habarlaýynsha, kóshbasshylar Túrkııa men Reseı arasyndaǵy reısterdi qalpyna keltirýdi, sondaı-aq koronavırýsynyń jańa túrine qarsy Sputnik V Reseı vaksınasyn Túrkııaǵa jetkizý jaıyn talqylady. Memleket basshylary ekijaqty qatynastardan bólek, Taýly Qarabaq pen Sırııadaǵy jaǵdaı týraly da pikir almasty.
«Taýly Qarabaq jaıynda pikir almasý ótti. Onyń ishinde atysty toqtatý jáne áskerı operasııalardy baqylaý ortalyǵynyń jumysyna oń baǵa berildi. Túrkııa Prezıdenti Reseı, Armenııa men Ázirbaıjan basshylarynyń 2020 jylǵy 9 qarashadaǵy jáne 2021 jylǵy 11 qańtardaǵy málimdemelerinde bekitilgen kelisimderdiń tolyq oryndalýyn qamtamasyz etý jónindegi Reseıdiń kúsh-jigerin qoldaıtyndyǵyn bildirdi», delingen habarlamada.
Sondaı-aq Vladımır Pýtın AQSh prezıdenti Djo Baıdenmen Jenevada ótken kelissózderden alǵan áserimen bólisti.
