«Máslıhattyń úlgi reglamentin bekitý týraly» Qazaqstan Respýblıkasy Prezıdentiniń 2013 jylǵy 3 jeltoqsandaǵy № 704 Jarlyǵyna ózgerister engizý týraly 2021 jylǵy 25 maýsym QAÝLY ETEMIN:
1. «Máslıhattyń úlgi reglamentin bekitý týraly» Qazaqstan Respýblıkasy Prezıdentiniń 2013 jylǵy 3 jeltoqsandaǵy № 704 Jarlyǵyna mynadaı ózgerister engizilsin: joǵaryda atalǵan Jarlyqpen bekitilgen Máslıhattyń úlgi reglamentinde:
1-tarmaq mynadaı redaksııada jazylsyn: «1. Osy Máslıhattyń úlgi reglamenti (budan ári – reglament) «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń (budan ári – Zań) 9-babyna sáıkes ázirlendi jáne máslıhat sessııalaryn, onyń organdarynyń otyrystaryn ótkizý, olarǵa máselelerdi engizý jáne qaraý, máslıhat organdaryn qurý jáne saılaý, olardyń qyzmeti týraly esepterdi, halyq aldynda máslıhattyń atqarǵan jumysy jáne onyń turaqty komıssııalarynyń qyzmeti týraly esepterdi tyńdaý, depýtattardyń saýaldaryn qaraý tártibin, máslıhattaǵy depýtattyq birlestikterdiń ókilettikterin, qyzmetin uıymdastyrýdy, sondaı-aq daýys berý, apparat jumysynyń tártibin jáne basqa da rásimdik jáne uıymdastyrýshylyq máselelerdi belgileıdi.»; 31 jáne 32-tarmaqtar mynadaı redaksııada jazylsyn:
«31. Máslıhat tıisti aýmaq ákiminiń esepterin tyńdaý jolymen jergilikti bıýdjettiń atqarylýyn, aýmaqtardy damytýdyń ekonomıkalyq jáne áleýmettik baǵdarlamalarynyń oryndalýyn baqylaýdy júzege asyrady. 32. Máslıhat «Ákimderdiń máslıhattar aldynda esep berýin ótkizý týraly» Qazaqstan Respýblıkasy Prezıdentiniń 2006 jylǵy 18 qańtardaǵy № 19 Jarlyǵyna sáıkes sessııada tıisti aýmaq ákiminiń esebin tyńdaıdy. Ákimniń (onyń mindetin atqarýshy adamnyń) ózine júktelgen fýnksııalar men mindetterdi oryndaýy týraly esebi jáne ol boıynsha sheshimniń jobasy tıisti sessııadan úsh apta buryn máslıhattyń turaqty komıssııalarynyń qaraýyna engiziledi.
Mynalar: 1) aýmaqty damytý josparlarynyń, ekonomıkalyq jáne áleýmettik baǵdarlamalarynyń oryndalýy, jergilikti bıýdjettiń atqarylýy týraly ákim usynǵan esepterdi máslıhattyń eki ret bekitpeýi; 2) jergilikti qoǵamdastyq jınalysynyń aýdandyq mańyzy bar qala, aýyl, kent, aýyldyq okrýg ákimin laýazymynan bosatý týraly máselege bastama jasaýy máslıhattyń ákimge senimsizdik bildirý týraly máseleni qaraýy úshin negiz bolyp tabylady. Aýdandyq mańyzy bar qala, aýyl, kent, aýyldyq okrýg ákimin laýazymynan bosatý týraly máselege bastama jasaý Zańnyń 39-3-babyna sáıkes jergilikti qoǵamdastyq jınalysynyń hattamasymen rastalady»; 34-tarmaq mynadaı redaksııada jazylsyn: «34. Oblystardyń, respýblıkalyq mańyzy bar qalalardyń, astananyń tekserý komıssııalarynyń bıýdjettiń atqarylýy týraly esepterin máslıhat jyl saıyn qaraıdy.». 2. Osy Jarlyq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti Q. Toqaev Nur-Sultan, Aqorda, 2021 jylǵy 24 maýsym № 604
