Parlamentaralyq dıalogqa tyń serpin

Kezdesý barysynda taraptar eki el arasyndaǵy parla­ment­aralyq yntymaqtastyqty odan ári nyǵaıtý máselelerin tal­qylady.
Májilis Tóraǵasy atap ótken­deı, Reseı – Qazaqstannyń stra­tegııalyq áriptesi, senimdi dosy jáne tatý kórshisi. Qos mem­leketti tamyryn tereńge tart­qan kóp ǵasyrlyq tarıhı or­taq tamyrlastyq biriktiredi.
Sondaı-aq Palata Spıkeri qos memleket arasyndaǵy qa­rym-qatynas Qazaqstannyń Tuń­ǵysh Prezıdenti – Elbasy Nur­sultan Nazarbaev pen Reseı Pre­zıdenti Vladımır Pýtınniń ózara syndarly kelisimderiniń arqa­synda joǵary deńgeıde damý jolyna túskenin, búginde Memleket basshysy Qasym-Jomart Toqaev Máskeýmen stra­tegııalyq seriktestikti odan ári nyǵaıtýǵa zor kóńil bóle­tinin atap ótti.
Kezdesý barysynda Nurlan Nyǵmatýlın mártebeli meı­manǵa elimizdegi zań shyǵarý qyz­metiniń jańalyqtary týraly, saıası, áleýmettik, eko­no-
mıkalyq reformalar já­ne olardy zańdyq deńgeıde qam­ta­masyz etý barysyndaǵy jetis­tikter jaıynda baıandap berdi.
О́z kezeginde Reseı Fede­ra­sııasy Keńesiniń Tóraǵasy pandemııaǵa qatysty shekteýlerden keıingi alǵashqy saparyn arnaıy Qazaqstannnan bas­tap otyrǵanyn atap ótti.
Valentına Matvıenko Qazaq­stan Táýelsizdiginiń 30 jyl­dyq mereıtoıyn sóz ete kelip, tarıhı ólshemmen alǵan­da az ǵana ýaqyttyń ishinde, bizdiń memlekettiń ekono­mı­kasy damyǵan, álemdik bedeli joǵary, zamanaýı demo­kra­tııalyq elge aınalǵanyn, bul Qazaqstannyń Tuńǵysh Prezı­denti Nursultan Nazarbaevtyń eren eńbeginiń nátıjesi eke­nin, qazirgi ýaqytta Prezıdent Qasym-Jomart Toqaevtyń bas­shy­lyǵymen tabysty jalǵa­syp kele jatqanyn basa aıtty. Sonymen qatar eki el ara­syndaǵy ózara tıimdi is-áre­ketke, ózara qur­metke ne­giz­­delgen berik ynty­maqtas­tyq halyqtarymyzdyń ıgiligi jo­­lyn­da aldaǵy ýaqytta qar­qyndy damı beretinine toqtal-
dy.
Kezdesýge qatysýshylar par­lamentaralyq, onyń ishin­de, TMD jáne Ujymdyq qaýip­sizdik týraly shart uıymy Par­lamentaralyq assambleıalary, Eýropadaǵy qaýipsizdik já­ne yntymaqtastyq uıymy, Par­la­mentaralyq Odaq aıasynda yqpaldastyqty tereńdetý jó­ninde áńgimeledi.
Nurlan Nyǵmatýlın men Valentına Matvıenko par­la­mentaralyq dıalog Qazaqstan men Reseı arasyndaǵy ózara yntymaqtastyqty nyǵaıtýǵa serpin beretinine nazar aýdardy.