Memleket basshysy Türksat 5A besinshi býyn telekommýnıkasııalyq jer serigi óziniń orbıtaǵa 2021 jyly 4 mamyrda jetkenin jáne geosınhrondy orbıtada (31 gradýs shyǵys boılyq) pozısııaǵa ıe bolǵanyn eske túsirdi. 28 maýsymda jer serigi Ku-dıapazonynda jumys isteı bastady.
Zamanaýı tehnologııalardyń kómegimen jer seriginiń orbıtada júrý uzaqtyǵy 30 jyldan asady. Spýtnıktik qamtý aımaǵy - Túrkııa, Eýropa, Taıaý Shyǵys, Soltústik, Ortalyq jáne Ońtústik Afrıka, sondaı-aq Jerorta, Egeı jáne Qara teńiz.
«Túrkııa bolashaqta negizgi qaýip-qaterler ǵarysh keńistiginen - kıberkeńistikten týyndaıtynyn túsinýge negizdelgen saıasat qurýda. Sondyqtan biz myqty kıber qorǵanys mehanızmin qalyptastyramyz», dedi túrik kóshbasshysy.
Aıta keteıik, Türksat 5B ushyrylymy 2021 jyldyń aıaǵyna josparlanǵan. Sondaı-aq Túrkııa Prezıdenti otandyq baılanys spýtnıgi Türksat 6A synaqtan ótip jatqanyn jáne onyń ushyrylýy 2022 jylǵa josparlanǵanyn atap ótti. Türksat 6A Túrkııany spýtnık óndiretin 10 eldiń qataryna qosatyn bolady.
