Nur-Sultanda «Elektrondyq oqytý arqyly adamı resýrstardy damytý: elderdiń tájirıbesi» taqyrybynda halyqaralyq onlaın-konferensııa ótti.
Is-sharany QR Memlekettik qyzmet isteri agenttigi, Astana Memlekettik qyzmet haby, Qazaqstannyń HR qaýymdastyǵy jáne Koreıa Respýblıkasynyń Personaldy basqarý mınıstrligi uıymdastyrdy.
Konferensııaǵa QR Memlekettik qyzmet isteri agenttiginiń tóraǵasy Anar Jaılǵanova, Memlekettik qyzmet salasyndaǵy óńirlik habtyń Basqarýshy komıtetiniń tóraǵasy Álıhan Báımenov, Koreıa Respýblıkasynyń Personaldy basqarý mınıstri Kım Vý Hý, Ýkraınanyń Memlekettik qyzmet máseleleri jónindegi ulttyq agenttiginiń basshysy Natalıa Alıýshına, О́zbekstan Respýblıkasy Prezıdentiniń janyndaǵy memlekettik qyzmetti damytý agenttiginiń, Grýzııanyń Memlekettik qyzmet bıýrosynyń jáne t. b. ókilderi qatysty.
Agenttik tóraǵasy Anar Jaılǵanova óz sózinde Qazaqstannyń Memlekettik qyzmet salasyndaǵy sıfrlandyrý tájirıbesimen, sondaı-aq memlekettik qyzmetshilerdiń sıfrlyq daǵdylaryn damytýǵa baǵyttalǵan sharalar týraly aqparatpen bólisti.
Atap aıtqanda, «iQyzmet» bazasynda kadrlyq prosesterdi sıfrlandyrýdyń birinshi kezeńi retinde memlekettik qyzmetke irikteý prosesin qaıta qaraý júzege asyrylatyny týraly aqparat aıtyldy. Irikteýdiń barlyq kezeńderi budan bylaı avtomattandyrylady, bul rekrýtıngtik prosesterdiń obektıvtiligi men ashyqtyǵyn qamtamasyz etedi. Budan basqa, kandıdattardyń derekteri bar bos jumys oryndarymen jáne biliktilik talaptarymen avtomatty túrde salystyrý múmkindigi kózdelgen. Bul kandıdattardy proaktıvti izdeýdi júzege asyrýǵa múmkindik beredi.
Qazaqstandyq memlekettik qyzmetshilerdi elektrondyq oqytý turǵysynan alǵanda, 2020 jylǵy naýryzdan bastap Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýra men doktorantýranyń bilim berý baǵdarlamalary boıynsha barlyq oqý prosesteri LMS Canvas jáne Microsoft Teams aqparattyq platformalary bazasynda onlaın rejıminde, qysqa merzimdi baǵdarlamalar boıynsha – Zoom, Microsoft Teams jáne Moodle platformalarynda ótetini atap ótildi.
Koreıa Respýblıkasy Personaldy basqarý mınıstrliginiń ókili 2017 jyly qurylǵan memlekettik qyzmetshilerdi oqytýdyń ulttyq júıesiniń erekshelikteri týraly aıtyp berdi. Qazirgi ýaqytta júıede 3000-nan astam oqytý mazmuny bar. Bul kýrstardyń kópshiligi memlekettik qyzmetshiler úshin mindetti bolyp tabylady jáne mysaly, adaldyq pen satylmaýshylyq, genderlik teńdik jáne t.b. máselelerge arnalǵan, bul rette jalpy jáne erekshe jumys daǵdylaryn damytatyn kýrstardy ártúrli mınıstrlikter birlesip paıdalanady. Jalpy alǵanda, koreıalyq memlekettik qyzmetkerler jylyna keminde 100 saǵatty quraıtyn oqýdan ótýi tıis. Bul shart oryndalmaǵan jaǵdaıda olar laýazymda odan ári joǵarylaýǵa jatpaıdy.
Ýkraınanyń Memlekettik qyzmet máseleleri jónindegi ulttyq agenttiginiń basshysy Natalıa Alıýshına konferensııaǵa qatysýshylarǵa memlekettik organdar men jergilikti ózin-ózi basqarý organdarynyń ókilderi paıdalanatyn bilimdi basqarý portalyn usyndy. Búgingi tańda portalda 119 bilim berý qyzmetin jetkizýshi jáne 1100 oqytý baǵdarlamasy bar.
Sondaı-aq ol Ýkraınanyń jergilikti ózin-ózi basqarýdy ortalyqsyzdandyrýǵa jáne reformalaýǵa baǵyttalǵan birlesken shveısarııalyq-ýkraındyq DESPRO jobasyn iske asyrý tájirıbesimen bólisti, onyń aıasynda jergilikti ózin-ózi basqarý organdaryna keshendi teorııalyq jáne praktıkalyq oqytý júrgiziledi.
Sonymen qatar konferensııa barysynda Grýzııa, О́zbekstan, sondaı-aq Qazaqstan HR qaýymdastyǵynyń elektrondyq oqytý tájirıbesi usynyldy.
