«Rýhanı jańǵyrý» qazaqstandyq qoǵamdyq damý ınstıtýty QR AQDM qoldaýymen qatysýshylarǵa Bolashaqqa qatysty boljam jasaýǵa múmkindik beretin Rapid Foresight ádisnamasy negizinde forsaıttyq zertteýler uıymdastyrdy. О́tkizilgen forsaıt-sessııalarǵa ǵylymı jáne saraptamalyq qoǵamdastyqtyń, memlekettik organdardyń, bıznes-qoǵamdastyqtyń, ÚEU jáne t.b. ókilderi qatysty.
Sessııanyń biri bolashaq qazaqstandyqtyń beınesin qalyptastyrýǵa arnaldy. Sessııa qatysýshylarynyń pikirinshe, jas qazaqstandyqtyń beınesi «sıfrlyq nomad» anyqtamasynda kórinis tapqan. Osylaısha, sıfrlyq nomad ıkemdilik pen ózin ózgertýge daıyndyq, álemge kirigý jáne ósýdiń jeke baǵdarlamasyna ıe bolý, jahandyq oılaý, barlyq salalarda «sandy» paıdalaný jáne densaýlyqqa mańyzdy kapıtal retinde qaraý syndy birqatar mańyzdy quzyretterge ıe.
«Jahandaný prosesteri kásibı jáne jeke quzyretterge jańa suranystar jasaıdy. Qazaqstandyqtyń beınesin qalyptastyrý otbasy, bilim jáne qoǵam salalarynda júretinine kúmán joq. 2035 jylǵa qaraı olardyń túbegeıli ózgerýi bek múmkin», delingen forsaıt-sessııasynyń zertteýinde.
Sessııa nátıjelerine sáıkes, otbasy mektep jáne JOO júıeleri naryǵynyń qajettilikterine sáıkes kelmeýine baılanysty tárbıe ádisteri men bilim berý baǵdarlamalaryn tańdaý máselesine sanaly túrde qaraıtyn bolady. Kóptegen otbasylar, múmkin bolsa, úıde oqytýdy jón kóredi.
О́z kezeginde, bilim berý sıfrǵa negizdeletin bolady.
«Mektep jeke traektorııalar men oqý baǵdarlamalaryn qura otyryp, jeke tulǵaǵa baǵdarlanady. Jastar joǵary bilimniń tolyq sıklin emes, naqty quzyretterdi alýǵa baǵyttalǵan. Sertıfıkattaý jáne qysqa merzimdi kýrstar baǵdarlamalary suranysqa ıe bolady. О́mir boıy adam óz bilimin jańartýǵa nemese qaıta oqýǵa májbúr bolady», delingen zertteýde.
Forsaıt-sessııaǵa qatysýshylardyń pikirinshe, jas qazaqstandyqtar saılaý jáne qoǵamdyq baqylaý esebinen sıfrlyq úkimet arqyly saıası úderisterge tartylady.
Sonymen qatar ornalasý endi ómirlik resýrstarǵa qol jetkizýge áser etpeıdi.
