Onyń aıtýynsha, qazir vırýspen kúresýge arnalǵan quraldary bar, ıaǵnı eń aldymen vaksınalary bar memleketter, shekteýlerdi jeńildetip jatyr.
«Osy ýaqytta tıimdi quraldary joq elder aýrýhanaǵa túsý jaǵdaılary men ólim tolqynyna tap boldy. Jaǵdaıdy vırýstyń jańa shtamdary kúrdelendirip otyr», dedi DDSU basshysy.
Gebreıesýstyń pikirinshe, mundaı jaǵdaıdan shyǵýdyń jalǵyz joly - elder arasynda test, vaksına, dári-dármekter men qorǵanys quraldaryn teń bólý.
«Bul zymyran qurastyrý da, qaıyrymdylyq ta emes. Bul jalpyǵa ortaq múddege jaýap beretin qoǵamdyq densaýlyqty sanaly saqtaý», dedi ol.
Uıym basshysy jaǵdaı jaqsaratynyna úmit bar ekenin aıtty. Ol úshin vaksınalardy taratatyn COVAX baǵdarlamasy bar ekenin jáne osy baǵytta kúsh-jigerdi arttyrýǵa shaqyrdy.
