Sırııa boıynsha kelissózder eki kúnge josparlanǵan. Ritz-Carlton qonaq úıinde uıymdastyrylǵan kezdesýde Reseı men Sırııa delegasııalary kelissóz júrgizip jatyr.
Kún tártibinde Sırııadaǵy áleýmettik-ekonomıkalyq jáne sanıtarlyq-epıdemıologııalyq ahýal, Jenevadaǵy sırııalyq konstıtýsııalyq komıtet jumysynyń jandaný perspektıvalary, taraptar arasyndaǵy senimdi nyǵaıtý, tutqyndarmen almasý, kepilge alynǵandardy bosatý jáne iz-tússiz joǵalǵandardy izdeý syndy máseleler bar.
Aıta keteıik, kelissózdiń birinshi kúni ekijaqty jáne kepilger elderdiń úshjaqty konsýltasııasy, sırııalyq taraptarmen kelissózder, baqylaýshy taraptardyń delegasııalarymen baılanysy, al ekinshi kúni konsýltasııalardy jalǵastyrý jáne jalpy otyrys ótkizý josparlanǵan. Josparda kepilger elderdiń, BUU jáne Halyqaralyq qyzyl krest komıteti sarapshylarynyń qatysýymen májbúrlep ustalyp otyrǵan tulǵalar boıynsha jumys tobynyń kezekti otyrysy bar.
