«Otbasy bank» AQ-da ashylǵan qazaqstandyqtardyń arnaıy shottaryna Biryńǵaı jınaqtaýshy zeınetaqy qory 2021 jylǵy 8 shildedegi jaǵdaı boıynsha 1,5 trıllıon teńgeden astam aýdardy. 176 mıllıard teńge kólemindegi qarajat 45 kún ótkennen keıin paıdalanylmaǵan retinde BJZQ-ǵa qaıtaryldy. 205 659 qazaqstandyq enpf-otbasy.kz platformasy arqyly turǵyn úı jaǵdaıyn jaqsartýǵa jáne emdelýge jalpy somasy 1,2 trıllıon teńge bolatyn zeınetaqy tólemderin paıdalandy. Olardyń úshten biri - áıelder (64 685), al úshten ekisi - er adamdar (140 974).
JTQ paıdalaný boıynsha birinshi orynda - Mańǵystaý oblysynyń turǵyndary - 33 682 adam, jalpy somasy 312 mıllıard teńgege jýyq. Ekinshi orynda Nur-Sultan qalasy - 32 216 adam, elorda turǵyndary shamamen 197 mıllıard teńgeni paıdalandy. Almaty úshinshi orynda - 27 396 adam. Almatylyqtar jalpy somasy 213 mıllıard teńgege jýyq zeınetaqy jınaqtaryn paıdalandy.
«Otbasy bankte» ıpotekalyq turǵyn úı qaryzyn alý úshin EJSh paıdalana otyryp, bastapqy jarnany qazaqstandyqtardyń kópshiligi - 9 359 adam qaıtalama turǵyn úıdi (167 mlrd teńgeden astam) tańdady. Qalǵan 1 729 adam bastapqy turǵyn úıdi tańdady (36 mlrd teńgeden astam). 100-den astam adam zeınetaqy artyǵyn qurylys, jóndeý jáne qaıta qarjylandyrý úshin paıdalandy (2 mlrd teńgeden astam).
