Bul týraly Nur-Sultan qalasy tótenshe jaǵdaılar departamenti azamattyq qorǵanys basqarmasynyń bastyǵy Ratbek Demeýbergen qala ákimdiginiń onlaın brıfınginde aıtty.
Bıyl Nur-Sultan qalasy ákimdiginiń qaýlysy boıynsha sýǵa shomylýǵa ruqsat etilgen 3 aýmaq belgilendi. Olar – «Ortalyq jaǵajaı», «Trı peskarıa» jáne «Astanalyq aýla».
Sonymen qatar máslıhat sheshiminiń jobasy sheńberinde shomylýǵa tyıym salynatyn 20 ýchaske aıqyndaldy. Qazir máslıhat sheshimi Ádilet mınıstrliginiń qaralýynda. Vedomstvodan shyqqannan keıin bul qaýly qabyldanatyn bolady.
«20 aýmaqtyń 7-ýi Almaty aýdanynda, 4-ýi Baıqońyr aýdanynda, 6-ýy Esil aýdanynda jáne 3-ýi Saryarqa aýdanynda ornalasqan. Máslıhat sheshimi qabyldanǵannan keıin tizim aqparat quraldaryna jarııalanyp, úgit-nasıhat jumystary júrgiziledi», dedi Ratbek Demeýbergen.
