«Keshe ǵana elimizdiń úsh óńirinde jalǵan pasporttardy satýmen aınalysatyn medısına qyzmetkerleri ustaldy. Is júzinde vaksına almaǵan adamdarǵa qoldan jasalǵan pasporttardy satyp, vaksınanyń ózin joıyp otyrǵan. Kórip otyrǵandaryńyzdaı, halyqtyń densaýlyǵy aqsha tabýdyń ádisine aınaldy, al bıýdjetten bólinetin aqsha jelge ketedi», dep málimdedi Ahmetjanov sybaılas jemqorlyqqa qarsy is-qımyl agenttiginiń alqa otyrysynda.
Agenttiktiń baspasóz qyzmeti atap ótkendeı, zańsyz ispen aınalysqan medısına qyzmetkerlerin Astana, Aqmola jáne Almaty oblystarynda ustaǵan.
«Osy jalǵan vaksınasııa pasporttaryn alǵan adamdar bizben birge úıde bola alady, bizben birge kólikpen júre alady. Bul tek sybaılas jemqorlyq faktisi ǵana emes, sonymen birge halyqtyń qaýipsizdigine de qaýip tóndirý», dedi Ahmetjanov.
Ol bul baǵyttaǵy jumystar jalǵasatynyn atap ótti.
Buǵan deıin IIM-de habarlanǵandaı, alǵashqy jarty jyl ishinde ishki ister organdarynyń óndirisinde vaksınasııa pasporttaryn qoldan jasaý boıynsha Almaty jáne Aqmola oblystarynda tórt qylmystyq is qozǵalǵan. Olar boıynsha sotqa deıingi tergeý jalǵasýda.
