Oqıǵa • 09 Shilde, 2021

Qaraǵandy turǵynyn bank aldynda tonap ketken qaraqshylar ustaldy

32 ret kórsetildi

Qaraǵandylyq polıseıler bank aldynda turǵyndy tonap ketken kúdiktilerdi ustady, dep habarlaıdy Egemen.kz Polisia.kz saıtyna silteme jasap.

30 maýsym kúni saǵat 20:00 shamasynda Qaraǵandy qalasy PB jedel basqarý ortalyǵyna habarlama kelip túsken, qaladaǵy bankterdiń biriniń aldyndaǵy turaqta eki belgisiz adam kúsh qoldaný arqyly turǵynnyń 500 myń teńgesin alyp ketken.

Oqıǵa ornyna Mıhaılov polısııa bóliminiń, Qaraǵandy qalasy Polısııa basqarmasynyń jáne Qaraǵandy oblysy PD jedel-tergeý toptary kelip, mán-jaıdy teksergen.

Anyqtalǵandaı, Qaraǵandynyń 59 jastaǵy turǵyny azyq-túlik taýarlaryn satatyn saýda kásipornynda menedjer bolyp jumys isteıdi. Sol kúni ol kóterme saýda uıymynan jetkizilgen ónim úshin 20 mıllıon teńge alyp, aqshany bas keńsege aýdarý úshin bankke barǵan.

Er adam qarjy mekemesine kire beriste toqtap, kólikten túspek bolǵan sátinde eki jigit júgirip kelip, avtokólik esikterin ashyp, menedjerdiń qolyndaǵy aqsha salynǵan paketti julyp almaq bolǵan. Biraq er adamnyń qatty qarsylyq kórsetýimen olar paketti jyrtyp, jerge túsken býma aqshany ǵana ózderimen alyp ketken. Shyǵyn kólemi 500 myń teńgeni qurady.

«Er adam polısııaǵa oqıǵadan úsh saǵat ótken soń ǵana júgindi. Onyń aıtýynsha, ol aldymen qalǵan aqshany bas keńsege jiberýdi kózdegen. Atalmysh ýaqyt ishinde kúdiktiler qaladan ketip úlgerdi. Biz olardy Shyǵys Qazaqstan oblysynyń aýmaǵynda anyqtadyq. Eki oblystyń polıseıleri birlesip jumys istep, úsh kúdiktini ustadyq»,  dedi Qaraǵandy qalasy PB KPB bastyǵy Eskendir Əýbəkirov.

Kúdiktiler – Qaraǵandy qalasynyń 22-28 jas aralyǵyndaǵy turǵyndary. Olarǵa qatysty sot qamaýda ustaý túrindegi bultartpaý sharasyn sanksııalady. Sotqa deıingi tergeý «Qaraqshylyq» baby boıynsha júrgizilýde.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar