«Zeınetkerler arasyndaǵy janjal kezinde zardap shekken qarııa oblystyq medısına ortalyǵyna tústi. Atalǵan derek boıynsha Qylmystyq kodekstiń «Densaýlyqqa qasaqana aýyr zııan keltirý» baby boıynsha sotqa deıingi tergeý amaldary júrgizilip jatyr. Sot-medısınalyq saraptama taǵaıyndaldy. Osy baptyń sanksııasy úsh jyldan segiz jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý túrindegi jazany kózdeıdi», dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, jyl basynan beri otbasylyq-turmystyq 17 qylmystyq is tirkelgen. Ýchaskelik polısııa ınspektorlary 2 590 qorǵaý nusqamasyn shyǵardy, sottar quqyq buzýshylardyń júris-turysyna 701 erekshe talap qoıdy. Onyń ishinde 564 quqyq buzýshyǵa qatysty alkogoldik ishimdikti paıdalanýǵa tyıym salyndy.
