Sport • 12 Shilde, 2021

«Astananyń» veloshabandozy Ion Isagırre tórtinshi oryn aldy

36 ret kórsetildi

«Týr de Frans» kópkúndiginiń 15-kezeńinde «Astana» klýby músheleri arasynda eń úzdik nátıjege Ion Isagırre qol jetkizdi. Ispanııalyq veloshabandoz márege tórtinshi bolyp jetti, dep habarlaıdy Egemen.kz.

26 jastaǵy AQSh sportshysy Sepp Kýss («Team Jumbo-Visma») Sere kommýnasy men Andorra-la-Velıa qalasy aralyǵyn qamtyǵan 191,3 shaqyrymdyq qashyqtyqta aldyna jan salmady. Bul mejege ol 5 saǵat 12 mınýt 06 sekýndta jetti. Ekinshi jáne úshinshi oryndardy ıspanııalyq Alehandro Valverde («Movistar Team») men nıderlandtyq Vaýt Pýls («Bahrain – Victorious») ıelendi. Osy kezeńde top jarǵan júıirikten Ion Isagırre nebary 1 mınýt 15 sekýnd qana qalyp qoıdy.

Jalpy esepte áli de Tadeı Pogachar («UAE-Team Emirates») shashasyna shań juqtyratyn emes. Slovenııalyq saıypqyrannyń kórsetkishi – 62 saǵat 07 mınýt 18 sekýnd. Ony kolýmbııalyq Ýran Rıgoberto («EF Education - Nippo») men danııalyq Ionas Vıngegor («Team Jumbo-Visma») ókshelep keledi.  Al «Astananyń» úzdigi Alekseı Lýsenko bul joly bir saty joǵarlap, qazirgi kezde jetinshi orynǵa taban tiredi.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar