Otyrys barysynda negizge alynǵan máseleler Úkimettiń keńeıtilgen májilisinde koronavırýs ınfeksııasyna qarsy kúres boıynsha sheshimder qabyldaý úshin Prezıdent Qasym-Jomart Toqaevtyń qoıǵan tapsyrmalaryna qatysty boldy.
Vıse-premer Memleket basshysynyń tapsyrmalaryn oryndaý aıasynda memlekettik organdarǵa qysqa merzimde kelesi mindetterdi júzege asyrýdy júktedi: koronavırýsqa qarsy is-qımyl sharalaryn túbegeıli qaıta qaraý strategııasyn ázirleý, aǵymdaǵy jyldyń 19 shildesine deıin shaǵyn jáne orta bıznes qyzmetkerlerine vaksınalaý júrgizýdiń naqty merzimderin qaıta qaraý jáne belgileý, «Pfizer» kompanııasymen kelisimge qol qoıý jónindegi jumysty uıymdastyrý jáne vaksınany jetkizý týraly kelisimshart jasasýdy qamtamasyz etý, aǵymdaǵy jyldyń 19 shildesine deıin mindetti vaksınalaýǵa jatatyn qoǵamnyń tirshilik etý salalaryn anyqtaý, PTR-testileýdiń biryńǵaı bazasyna uqsas vaksınalaýdyń sıfrlyq kartasyn iske qosý máselesin pysyqtaý, aǵymdaǵy jyldyń 19 shildesine deıin «Ashyq» sııaqty sıfrlyq sheshimderdi belsendi paıdalaný basymdyǵymen mobıldi monıtorıngtik toptardyń jumysyn qaıta formattaý boıynsha usynystar engizý, epıdemıologııalyq jaǵdaıǵa qaramastan, medısına qyzmetkerlerin qoldaý jáne yntalandyrýdyń qoldanysta bolatyn qaǵıdalaryn ázirleý jáne bekitý, jańa oqý jylynda oqýshylar men stýdentterdi oqytýdyń dástúrli nysanyn qaıta bastaý kezinde pedagogter men oqýshylardyń densaýlyǵynyń qaýipsizdigin qamtamasyz etý boıynsha usynystar ázirleý.
Eldegi epıdemıologııalyq jaǵdaıdyń nasharlaýyna baılanysty vedomstvoaralyq komıssııa «qyzyl aımaqtaǵy» óńirlerde karantındik shekteýlerdi kúsheıtý boıynsha birqatar sharalar tizbegin qabyldady.
«Ashyq» jobasyna qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týrıstik) avtobýs jáne shaǵyn avtobýs tasymaldary, jabyq jaǵajaılar men akvaparktardyń qyzmeti toqtatylatyn bolady. Demalys jáne mereke kúnderi qoǵamdyq kóliktiń, «Ashyq» jobasyna qatysýshylaryn qospaǵanda, qoǵamdyq tamaqtaný obektileriniń jumysyna tyıym salynady.
Sonymen qatar, «Ashyq» jobasyna qatysatyndaryn qospaǵanda, fıtnes ortalyqtardyń, fıtnes klýbtardyń, ıoga ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, basseınderdiń, ınoteatrlardyń, teatrlardyń, konsert zaldarynyń, fılarmonııalardyń, kompıýterlik klýbtardyń, boýlıngterdiń, bılıardtardyń, karaokelerdiń, kórmelerdiń de qyzmeti toqtatylady.
«Ashyq» jobasyna qatysatyn ashyq bazarlardy, jármeńkelerdi qospaǵanda, aýdany 2000 m2 deıingi azyq-túlik emes taýarlardy ótkizý obektileriniń saýdasyna shekteý qoıylyp, sport obektileri (sport keshenderi, sport mektepteri, sport klýbtary, jattyǵý zaldary), bilim berý ortalyqtary, balalar men eresekterge arnalǵan úıirmeler, balalardy damytý ortalyqtary da jumystaryn toqtatý kerek.
«Ashyq» jobasyna qatysatyn fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, sport obektileriniń, basseınderdiń jumys kúnderdegi jumysy saǵat - 20.00-ge deıin, fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, sport obektileriniń, basseınderdiń jumysy saǵat - 18.00-ge deıin, «Ashyq» jobasyna qatysýyna qaramastan, OSO, saýda úıleriniń, saýda jelileriniń, sonymen qatar «Ashyq» júıesine qatysatyn qoǵamdyq tamaqtaný nysandarynyń, fýdkorttardyń jumysy saǵat - 20.00-ge deıin, al «Ashyq» júıesine qatyspaıtyndardyń jumysy - saǵat 18.00-ge deıin qysqartylady.
Otyrys sońynda vıse-premer memlekettik organdar men óńir ákimderine túsindirý jumystaryn kúsheıtýdi, sondaı-aq halyqty koronavırýsqa qarsy vaksınalaýmen qamtýdy arttyrýdy tapsyrdy.
