Qoǵam • 12 Shilde, 2021

Ipoteka bir kúnde rásimdeledi

251 ret kórsetildi

Elimizde ıpoteka rásimdeý prosesi de sıfrlana bastady. О́tinishti qabyldaýdan bastalyp nesıe berýge deıingi prosess túgeldeı adamnyń qatysýynsyz júzege asady. Nátıjesinde klıent úıden shyqpaı aq baspanaly bolýǵa qadam jasaıdy.

Freedom Finance Bank usyna­tyn onlaın ıpoteka 3-15 jyl ara­lyǵyna beriledi, syıaqy mól­sherlemesi – 10,5-11 paıyz kóle­minde, alǵashqy tólemi – 20 pa­ıyzdan bastalmaq. Beriletin maksımaldy nesıe – 70 mln teńge.

Iske asatyn prosess barynsha qarapaıym oılastyrylǵan. Azamat ótinish beredi jáne eń sońynda turǵyn úıdiń óz aty­na rásimdelgeni týraly SMS ala­dy. Al aqsha avtomat­ty túr­de satýshynyń shoty­na túse­di. Álemde ózge de osyn­daı sıfr­­ly ıpoteka jú­ıesi bar. Bi­­raq olardyń ózi tolyq­qan­dy emes, tek 70 paıyz mól­she­rinde sıfrlandyrylǵan eken. Sondyqtan bul turǵyda qa­zaq­­s­tandyq ónim ózgelerden oq boıy ozyq tur deýge bolady. Freedom Holding Corp dırektorlar keńesiniń tóraǵasy Tımýr Turlovtyń aıtýynsha, bank jumysyn bastaǵannan beri basshylyq ıpoteka berý­di meılinshe jeńildetýdi qaras­tyrǵan. Nátıjesinde osyndaı onlaın ónim dúnıege kelgen. Onyń sózinshe, bizde ekinshi deńgeıli bankter ıpoteka rásimdeý úshin kem degende bir qyzmetkerdi jaldaıdy. Oǵan jalaqy tóleý kerek, bul uzaq merzimde birshama shyǵyn bolady. Al sıfrlandyrý mundaı basy artyq shyǵynnan qutqarady.

Bank onlaın ıpoteka aıasyn­­da shotty ashý, halyqqa qyz­met kórsetý ortalyǵynda elek­tron­dy tirkeý, notarıaldy keli­sim jasaý jáne kepilge qoıý pro­sesterin sıfrlandyryp otyr. Ázirge nesıeniń bul túri tek Nur-Sultan men Almaty qa­la­­larynyń turǵyndary úshin tıim­di.

«О́nimdi jasaý kezinde óz­ge elder tájirıbesin zert­te­dik, aldyńǵy qatarly top-10 el­di tańdap, asa qatty sıfrlan­dyrylǵan bankterdi taptyq. Sonda baıqaǵanymyz – olardyń barlyǵynda tek bastapqy ke­zeń – ótinish berý kezeńi jáne fı­nal­dyq kezeń – aqshany kartochka arqyly alý ǵana onlaın atqarylady. О́zge prosestiń bári oflaın túrde iske asady. Sondyqtan bizdiń ónim tek Qa­zaqstanda ǵana emes, álemde de úzdik atanyp otyr dep senimmen aıta alamyz», deıdi dırektorlar keńesi janyndaǵy keńesshi Aıdos Jumaǵul.

Matematıkalyq analız negi­zinde jyljymaıtyn múlikti baǵalaýdyń ózindik modeli engi­zilgendikten rásimdeý kezinde klıentten birde-bir qujat talap etilmeıdi. Atalǵan ózindik model ınfraqurylymnyń damýyn, kólik quraldary men taýlardyń jaqyndyǵyn, ornalasýyn jáne taǵy basqa faktorlardy eskere otyryp, turǵyn úı qunyn anyqtaýǵa múmkindik beredi. Sonymen qatar notarıýs­tar úshin arnaıy jeke kabınetter qurylǵan. Sonyń arqasynda olar (notarıýstar) qashyqtan jumys istep, daıyn qujatty basyp shyǵaryp, kelisimdi támam­daıdy. Qujattardyń úlken paketin jınaqtaýǵa klıenttiń JSN-y men telefon nómiri jet­kilikti. Banktiń bul ónimin sıfr­lyq damý, ınnovasııa jáne aeroǵarysh ónerkásibi mınıstri Baǵdat Mýsın de qoldaǵan.

«Jyljymaıtyn múlik satyp alý – úlken oqıǵa jáne onyń onlaın formatta ótýi memleket úshin de mańyzdy. Bizdiń mindetimiz – halyqqa qyzmet kór­setý ortalyqtaryndaǵy ke­zekti azaıtý. Bolashaqta barlyq ıpo­tekalyq nesıeler men tirkeýler onlaın rejiminde júrýi úshin biz barlyq bank mekemelerin osy qyzmetterdi jyldam paı­dalanýǵa shaqyramyz», dedi mınıstr.

Zeınetaqy jınaǵyn turǵyn úı jaǵdaıyn jaqsartý týraly Prezıdent Qasym-Jomart Toqaevtyń tapsyrmasyn oryndaý aıasynda elimizde 16 075 qa­ryz alýshy buryn bankterden 62 mlrd 41 mln teńgege alǵan ıpotekalyq turǵyn úı zaemdaryn ótegen. 47 133 qaryz alýshy bir rettik zeınetaqy tólemin jalpy somasy 144 mlrd 53 mln teńge bolatyn ıpotekalyq turǵyn úı zaemdaryn ishinara óteý boıynsha paıdalanǵan. 8 889 qaryz alýshy bir rettik zeı­netaqy tólemin alǵashqy jarna retinde kádesine jaratqan.

Sońǵy jańalyqtar

Elimizdiń 6 óńirinde joldar jabyldy

Oqıǵa • Búgin, 15:39

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar