Ekonomıka • 13 Shilde, 2021

«Jasyl» oblıgasııa aınalymǵa shyǵady

106 ret kórsetildi

Jaqyn arada bizdiń naryqta «jasyl oblıgasııalar» termıni aınalymǵa enýi múmkin. Qarjy naryǵyn retteý jáne damytý agenttiginiń habarlaýynsha, qazirgi ýaqytta qazaqstandyq tájirıbege ınvestısııalyq jáne «jasyl» oblıgasııalardy engizý máselesi pysyqtalyp jatyr.

Bıyl jyl basynda «Qazaq­stan Respýblıkasynyń keı­bir zańnamalyq aktilerine ekono­mı­kalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» zań qabyldanǵany belgili. Sol zań aıasynda qarjy quraldarynyń jańa túrleri engizilmek. Baǵaly qaǵazdar naryǵy departamenti dırektorynyń mindetin atqarýshy Gúlchehra Talqambaevanyń aıtýynsha, bul bastama elimizdegi jasyl ekonomıkaǵa kóshý jobasymen úndesedi.

– Elimizde qorshaǵan ortany qorǵaýǵa baǵyttalǵan birqatar sharalardyń qolǵa alynyp otyr­ǵany belgili. Memlekettik qol­daý sharalary «jasyl» qarjy­landyrý sheńberindegi jobalarǵa da kórsetiledi. Investısııalardy tartýǵa arnalǵan quraldardyń biri «jasyl» oblıgasııalar bolyp tabylady, – deıdi Talqambaeva.

Spıkerdiń aıtýynsha, «jasyl» oblıgasııa – boryshtyq ba­ǵaly qaǵaz. Onyń kómegimen emıtent kompanııa («jasyl» baǵaly qa­ǵazdy shyǵarýshy kompanııa) ekologııalyq problemalardy sheshýge qaýqarly jobalardy iske asyrý úshin qarajat tartady. «Jasyl» oblıgasııalar arqyly qarjylandyrý úshin «jasyl» jobalardy jikteýdi ekologııa mınıstrligi daıyndap, úkimet bekitedi. Kez kelgen basqa baǵaly qaǵazdar sııaqty «jasyl» oblıgasııany kommersııalyq uıymdar shyǵarýǵa quqyly. Olar basqa da qundy qaǵazdar sekildi aınalys merzimi boıynsha ártúrli bolýy múmkin, qamtamasyz etilgen nemese qamtamasyz etilmegen, aıyr­bastalatyn nemese aıyrbastalmaıtyn bolyp bólinedi.

– «Jasyl» oblıgasııalardy ornalastyrýdan alynǵan aqsha qoldanystaǵy tabıǵı resýrstar­dy paıdalaný tıimdiligin art­tyrýǵa, qorshaǵan ortaǵa teris áser etý deńgeıin tómendetýge, energııa tıimdiligin, energııa únem­deýdi arttyrýǵa, klımattyń óz­gerý saldaryn jumsartýǵa jáne klımattyń ózgerýine beıim­delýge baǵyttalǵan jobalardy qarjylandyrýǵa baılanysty maqsattarǵa ǵana paıdalanylýy múmkin, – deıdi Gýlchehra Tal­qambaeva.

Spıker atap ótkendeı, emıtent «jasyl» oblıgasııalardy ornalastyrý merzimi ishinde qar­jylandyrylatyn jobanyń qorshaǵan ortaǵa áseri boıynsha jyl saıynǵy esepti jarııalaýǵa mindetti. Ol ınvestısııalyq ba­ǵaly qaǵazdardyń qalaı ju­mys isteıtinin de túsindirdi. «Halyq­aralyq tájirıbege sáı­kes, negizgi syıaqyny alýmen qa­tar, ınvestısııalyq oblıga­sııany ustaýshynyń belgili bir jaǵ­daılardyń týyndaýyna ne týyndamaýyna baılanysty qo­symsha syıaqy alýǵa quqyǵy bar. Investısııalyq oblıgasııa­lar boıynsha kiristilik ol táýeldi ba­zalyq aktıv qunynyń serpinine baı­lanysty bolady», deıdi. Bul rette ınvestısııalyq oblıga­sııa­­lar qor bırjasynyń tizimi­ne engizilýi nemese tıisti azamat­tyq-quqyqtyq mámileler jasa­sý ar­­qyly alańnan tys ornalas­tyrylýy múmkin.

Spıkerdiń aıtýynsha, oblıgasııa boıynsha kiristiń belgili bir kórsetkishke, ındıkatorǵa nemese ındekske qosylýy belgili bir naryqta mamandandyrylǵan jáne uzaq merzimdi boljamdar jasaı alatyn ınvestorlar úshin tartymdy. Ekinshi jaǵynan, bul baǵaly qaǵaz ol boıynsha syı­aqy tóleý sharttaryn ne­ǵur­lym ıkemdi etýge jáne osylaısha emıtenttiń naryqtyq táýe­kelderin tómendetýge múm­kindik beredi. Tólemder emıtent taby­synyń mólsherine, baǵa­ly qaǵazdardyń nemese óz­ge de qarjy quraldarynyń paıyz­dyq mólsherlemelerine jáne baǵa belgileýlerine, baǵaly me­tal­dardyń, shıkizattyń neme­se ózge de taýarlardyń baǵa belgi­leýlerine, qor jáne taýar ındeks­terine, úshinshi tulǵalardyń min­dettemelerdi oryndamaýyna baılanysty bolýy múmkin.

Agenttik ókiliniń aıtýyn­sha, qazirgi tańda qarjy nary­ǵyn qadaǵalaýshy organ ınves­tısııalyq jáne «jasyl» oblıgasııalardy shyǵarý, aınalysqa shyǵarý jáne óteý tártibine qoıy­latyn talaptardy kózdeıtin tıis­ti túzetýlerdi ázirlep jatyr. Baǵaly qaǵazdar bıyl jyl sońyna deıin engizilmek. Elimiz­diń «jasyl» ekonomıkaǵa kóshýdi jyldamdatýy turǵysynan qara­ǵanda «jasyl» qaǵazdyń naryq­qa kelýi emıtentterdiń de, ınves­torlardyń da yqylasyn oıatady degen senim basym.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar