Oblystyq orman sharýashylyǵy jáne janýarlar dúnıesi aýmaqtyq ınspeksııasynyń ókili Nurlan Imanǵalıevtyń aıtýynsha, bul týraly áleýmettik jelide atalǵan aýyldyń turǵyndary jazba jarııalaǵan eken.
– Qus adamdardan úrikpegen. Bizdiń ınspektorlar aýyl turǵyndarymen baılanysqa shyqty. Atyraýǵa kele jatqan kólik júrgizýshisi turǵyndardyń ótinishimen qusty bizge jetkizip berdi. Inspektorlar qusty tekserýden ótkizip, jaraqattanbaǵanyn anyqtady. Suqsyr úırekke uqsas qus «Aqjaıyq» memlekettik tabıǵı rezervatynyń aýmaǵy arqyly Kaspıı teńizine quıatyn kanalǵa jiberildi, – deıdi Nurlan Imanǵalıev.
Al jergilikti ornıtolog, «Qansonar» respýblıkalyq qaýymdastyǵy óńirlik ókildiginiń dırektory Aleksandr Ivasenkonyń pikirinshe, munaıly óńirde suqsyr úırektiń birneshe túri kezdesedi. Mundaı qus Qyzyl kitapqa enbegen.
Atyraý oblysy
