BǴM baspasóz qyzmetiniń málimetinshe, Alǵys hatty mereıtoı ıesine QR Bilim jáne ǵylym mınıstri Ashat Aımaǵambetov tabystady.
«Elimizdiń jalpy bilim beretin orta jáne joǵary oqý oryndaryn, Oqý-aǵartý mınıstrligin basqaryp, qalalyq jáne oblystyq halyq depýtattary keńesteriniń, Qazaq KSR Joǵary Keńesiniń depýtaty bolǵan kezińizde qoǵam úshin aıanbaı eńbek etip, otandyq bilim jáne ǵylym salasyn damytýǵa belsene atsalystyńyz. Sizdiń qalamyńyzdan týǵan ǵylymı jumystaryńyz atalǵan salanyń zerttelýine qosylǵan eleýli úles boldy. El ıgiligi jolynda atqarǵan jemisti eńbegińiz úshin Sizge alǵysymdy bildirip, torqaly 95 jasqa tolǵan mereıtoıyńyzben shyn júrekten quttyqtaımyn. Denińizge saýlyq, áýletińizge amandyq tileımin», delingen Prezıdenttiń Alǵys hatynda.
Qajahmet Balahmetov Qazaq KSR Oqý-aǵartý mınıstrligin 13 jyl basqardy.
