Qazaqstan Respýblıkasy «Ǵylym týraly» zańynyń 23 babyna sáıkes «Otandastar Qory» kommersııalyq emesaksıonerlik qoǵamy QR Bilim jáne ǵylym mınıstrliginiń ǵylymı jáne ǵylymı-zertteý jumystaryn júrgizýge quqyly mekeme retinde akkredıtasııadan ótip, tıisti kýálik berilgen.
«Otandastar Qory» berilgen kýálik aıasynda mınıstrlik tarapynan kún tártibine qoıylǵan túrli baǵyttaǵy zertteý jumystarymen aınalysa alady. Jaýapty mınıstrlik Qoǵamnyń ǵylymı bazasy men qyzmetkerleriniń sanyn jáne ǵylymı dárejesin tekserýden ótkizdi. Bolashaqta tarıh, etnografııa, arheologııa salalary boıynsha kóship kelgen qandastarǵa baǵyttalǵan memlekettik saıasat pen túrli zań jobalar saraptalyp ǵylymı túrde zertteýler júrgiziledi. Sondaı-aq Qoǵamǵa sheteldegi qandas zııaly qaýym ókilderi aqyn, jazýshy, tarıhshy jáne taǵy basqa azamattardan ózderi zerttep jazǵan eńbekterin Qazaqstanda baspadan shyǵarýǵa kómek kórsetý jóninde de ótinishter kóptep túsedi», deıdi «Otandastar Qory» KEAQ Prezıdentiniń keńesshisi Qalybek Qobylandın.
Atalǵan qujat negizinde «Otandastar Qory» sheteldegi qazaqtar men elimizge kóship kelgen qandastardyń máseleleri, dıaspora, kóshi-qon, demografııa baǵyttary boıynsha aýqymdy zertteýler júrgizýge múmkindik aldy. Zertteý jumystarynyń nátıjesinde tıisti memlekettik organdarǵa túıtkildi máselelerdi jetkizip, jaǵdaıdyń oń sheshim tabýyna, memlekettik saıasatty jetildirýge baǵyttalǵan usynystar ázirlep, qoldanysqa engizetin bolady.
