«Qylmystardyń kóbi jezókshelik nemese jeńgetaılyqqa qatysty ashylǵan prıtondarmen baılanysty. Bir jyl buryn dál sondaı 20 qylmys tirkelse, bıyl 35 jaǵdaı anyqtalǵan. Iаǵnı bir jylda 75 paıyzǵa kóbeıgen. Sondaı-aq jasóspirimderdi satýdyń 8 jaǵdaıy, jasóspirimderdi jezókshelikke tartýdyń 7 oqıǵasy, adam saýdasy men jezókshelikke tartýdyń 6 jaǵdaıy, eńbegin paıdalanýmen bas bostandyǵyn shekteýdiń 1 jaǵdaıy tirkeldi», delingen zertteýde.
Osy jyldyń alǵashqy bes aıynda jasóspirimderdi saýdalaýǵa qatysty 25 adam, jezókshelik nemese jeńgetaılyqqa qatysty prıton uıymdastyrǵany úshin 6 adam, adam saýdasyna qatysty 4 adam qylmystyq jaýapkershilikke tartylǵan.
Adam saýdasyna qatysty qylmystarǵa kináli adamdardyń kópshiligi – jumyssyzdar. BUU esirtki jáne qylmystar jónindegi basqarmasynyń málimetterine súıensek, Ortalyq Azııa men Shyǵys Eýropa elderinde adam saýdasyna qatysty zardap shekkenderdiń 66 paıyzy májbúrli eńbekke tartylsa, 23 paıyzy seksýaldy eksplýatasııaǵa túskender. Ortalyq Azııa elderinde zardap shekkenderdiń kóbi áıelder (55 paıyz). Al erlerdiń úlesi 32 paıyzdy quraıdy. Taǵy 8 paıyzy uldar bolsa, 5 paıyzy jasóspirim qyzdar.
QR SIM-niń málimetine súıensek, Qazaqstan ekinshi sanattaǵy elderdiń (Tier 2) «baqylaý tiziminen» adam saýdasy týraly jahandyq Baıandamaǵa qosylǵan. Mınıstrlik osyǵan baılanysty bul salada adam quqyǵyn qorǵaýdyń kórsetkishi jaqsarǵanyn habarlaıdy.
