Onyń oıynsha, vaksınany taratýdyń durys uıymdastyrylmaýy jaǵdaıdy ýshyqtyryp jibergen.
«Adamzat tarıhynda aýyr kezeńdi bastan ótkerdik. COVID-19 dertinen 4 mıllıon adam qaıtys boldy. Bul tek resmı málimetter», dedi búgingi baspasóz máslıhatyn ashqan dáriger Tedros Gebreıesýs.
Tedros Gebreıesýs óz azamattarynyń kópshiligin vaksınasııalaýǵa úlgergen keıbir elder ınfeksııaǵa qarsy ımmýndyq qorǵanysty kúsheıtýi kerek ekenin, qosymsha vaksınasııa naýqanyn bastaýdy josparlap otyrǵanyn atap ótti. Bul elder, dáriger Tedros naqtylap ótkendeı, shekteýlerdi alyp tastap, pandemııaǵa deıingi ýaqytqa qaıta oralady.
«Jańa shtamdardyń tez taralýy jáne vaksınalardyń búkil álem boıynsha taralýy kezindegi aıqyn teńsizdikter kóptegen elderde aýrýdyń órshýine jáne aýrýhanaǵa jatqyzý deńgeıiniń joǵarylaýyna ákelip soqtyrdy.
Sodan keıin biz taǵy da ottegi tapshylyǵy men terapııa máselesimen aınalysamyz. Bul jaǵdaı Azııa jáne Latyn Amerıkasynyń keıbir elderinde ólim-jitimniń kóbeıip ketýine jol ashady», dep atap ótti DDU ókili.
Ol sondaı-aq «vaksına taqyrybyn ultshyldandyryp alǵan elderdiń» jaǵdaıyna da toqtalyp ótti.
«Pandemııanyń osy kezeńinde álemniń keıbir elderinde mıllıondaǵan medısına qyzmetkerlerine áli vaksına egilmegeni alańdatady», deıdi dáriger Tedros.
DDSU málimetteri boıynsha, ótken aptadan beri keıbir elderde COVID-19 dertine shaldyqqan adamdar týraly derekterde azdaǵan ózgeris bar. Osy dertten qaıtys bolǵandar sany azaıyp keledi.
Búkil álemde COVID-19-dyń 183 mıllıonnan astam jaǵdaıy tirkelgen. Ońtústik jáne Soltústik Amerıka elderinde dertti juqtyrǵandar qatary ósip keledi. Sondaı-aq EO elderinde de aýrý deńgeıiniń óskeni baıqalady.
DDU basshysy aıtyp ótkendeı, COVID-19–dyń betalysy ázirge adamzatqa qol jetimdi vaksınanyń aldyn orap ketip tur.
