Mańǵystaý oblysy boıynsha jalpy medısına qyzmetkerleriniń sany 10 myńnan asady. Onyń ishinde 9 376 vaksına alýshylar sanatyna kiredi. Búginde ekpe alǵandar sany 7 206 aq halattyny quraıdy. Iаǵnı bul kórsetkish 77%-ǵa jetip otyr.
Sońǵy málimetter óńir turǵyndarynyń vaksına alýda belsendiligi artqanyn kórsetti. Ekpe pýnkterine kelgenderdiń qatary kóbeıgen. Muny Aqtaýdaǵy ERKEMED emhanasynyń bas dárigeri Serik Qasym da rastady.
«Mysal retinde bizdiń emhanamyzda medısına qyzmetkerleriniń 96%-y ekpe aldy. Jeksenbi, senbi kúnderi de jumys istep jatyrmyz. Halyqtyń sany kúnnen-kúnge artyp jatyr. Qajet bolǵan jaǵdaıda túsindirme jumystaryn da osy jerden júrgizip jatyrmyz. Kúnine emhanamyzda 200 adam ekpe alýda», dedi ol.
Onyń aıtýynsha, emhana tarapynan qyzmetkerleri kóp eńbek ujymdaryna baryp vaksınalaý júrgizý qolǵa alynǵan. Tek sanıtarlyq normaǵa saı keletin ekpe orny jasaqtalýy kerek.
