QR Densaýlyq saqtaý mınıstrligi «Pfizer» kompanııasymen 2021 jyldyń 4-toqsanynda jetkizýge aldyn ala kelisimge qol jetkizilgenin habarlaıdy.
«2021 jyl naýryzdan bastap «Pfizer» kompanııasynyń ókilderimen Sovid-19 koronavırýstyq ınfeksııasyna qarsy vaksınany jetkizý múmkindigi týraly kelissózder rásimderi bastaldy. Mınıstrlik pen «Pfizer» kompanııasynyń arasyndaǵy ózara is - qımyl sheńberinde qupııalylyq týraly kelisimge qol qoıyldy», dep atap ótti vedomstvoda.
Mınıstrlik mámileniń negizgi sharttary týraly kelisimderdiń talaptaryn ońtaılandyrý boıynsha «Pfizer» kompanııasymen turaqty negizde kelissózder júrgizýde, onyń ishinde Qazaqstan Respýblıkasy Úkimetiniń deńgeıinde keńes ótkizildi.
Sonymen qatar, «Pfizer» kompanııasy vaksınany jetkizý týraly kelisim jasaý úshin Qazaqstan Respýblıkasy Prezıdentiniń Jarlyǵyn qabyldaý qajettigi týraly habarlady.
