О́tken senbide qalanyń zeınetkerleri qoǵamdyq kólik aqysyn tóleý kezinde kútpegen máselege tap boldy. Olar jol aqysyn kartamen tóleı almaǵan. О́ıtkeni valıdator kartalarynyń buǵattalǵanyn kórsetip, qabyldamaı qoıǵan. Al jolaýshylardyń sózinshe kartalarynda jetkilikti mólsherde balans qalǵan.
«Jubaıym ekeýimiz zeınetaqymyz túsken soń, qaıta-qaıta ýaqyt joǵaltpas úshin «Qazpochta» bólimshesine baryp, kólik kartasyna 5000 teńgeden saldyrǵan edik. Valıdator qate kórsetkeni úshin munyń syrtynda júrgizýshige taǵy da 150 teńge tóleý kerek eken. Masqara ǵoı! Buǵan deıin zeınetker retinde 70 teńgeden tólep keldik. Solaı qalýy kerek», deıdi jolaýshylardyń biri.
Buǵan qatysty «Qazpochta» ujymy mán-jaıdy túsindirdi.
«Buryn qoǵamdyq kólik aqysyn áleýmettik kartamen nóldik qaldyqpen de tóleýge bolatyn edi. Ol kezde mınýs retinde eseptele beretin. Al qazir júıe ózgerdi. Eger tıisti qarajat jetispeıtin bolsa, valıdator tólemdi qabyldaı almaıdy. Endi valıdatorlardy ornatqan kompanııa kartasy buǵattalǵan jolaýshylardyń qaryzy tólengennen keıin ǵana «qulyptan bosatady», deıdi «Qazpochta» ujymy.
